Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Ҝөзәтчи гүлләси  |  № 2, 2017

 ҮЗ ГАБЫҒЫНДАКЫ МӨВЗУ | АЛЛАҺЫН ВЕРДИЈИ ӘН ҜӨЗӘЛ ӘНАМ

Вердији әнама ҝөрә Аллаһа шүкр един

Вердији әнама ҝөрә Аллаһа шүкр един

«Бизә тәкан верән гүввә Мәсиһин мәһәббәтидир... О, һамыдан өтрү өлдү ки, јашајанлар артыг өзләри үчүн дејил, онларын уғрунда өлүб дирилмиш кәс үчүн јашасынлар» (2 Коринфлиләрә 5:14, 15).

ВЕРИЛӘН һәдијјәјә ҝөрә миннәтдар олмаг лазымдыр. Иса Мәсиһ бунун ваҹиблијини вурғуламышды. О, сағалмаз хәстәлијә тутулан он нәфәрә шәфа верәндән сонра онлардан јалныз бири «Аллаһы уҹадан мәдһ едә-едә ҝери гајытды». Иса деди: «Мәҝәр он нәфәр тәмизләнмәди? Бәс галан доггуз нәфәр һаны?» (Лука 17:12—17). Бу һадисә ҝөстәрир ки, инсан она едилән хејирхаһлығы бәзән тез унудур.

Фидјә бәнзәри олмајан бир әнамдыр. О, бәшәријјәтә верилмиш ән ҝөзәл һәдијјәдир. Бәс бу әнама ҝөрә Аллаһа миннәтдарлығымызы неҹә билдирә биләрик?

  • Аллаһ һаггында өјрәнин. Фидјәнин сајәсиндә әбәди јашамаг имканымыз олса да, биздән дә чох шеј асылыдыр. Иса Мәсиһ Аллаһа дуасында демишди: «Әбәди һәјат одур ки, Сәни, тәк ҝерчәк Аллаһы вә ҝөндәрдијин Иса Мәсиһи танысынлар» (Јәһја 17:3). Әҝәр билсәниз ки, сиз ушаг оланда бир нәфәр һәјатынызы хилас едиб, нә едәрдиниз? Јәгин һәмин инсанын кимлији вә сизи нә үчүн хилас етдији барәдә өјрәнмәјә  чалышардыныз. Јеһова Аллаһ да истәјир ки, биз Ону таныјаг, һәмчинин Онунла достлуг мүнасибәти гураг. Мүгәддәс Китаб сәсләјир: «Аллаһа јахынлашын, О да сизә јахынлашаҹаг» (Јагуб 4:8).

  • Фидјә гурбанлығына иман ҝәтирин. Иса Мәсиһә «иман едән әбәди һәјата говушаҹаг» (Јәһја 3:36). Бәс иман етмәк нә демәкдир? Һәдијјә ону гәбул етдијимиз һалда бизим олур. Ејнилә «Мәсиһә инанырам» демәк аздыр. Онун фидјә гурбанлығына иман етдијимизи әмәлдә ҝөстәрмәлијик (Јагуб 2:17). Неҹә? Илк нөвбәдә, өјрәнин ҝөрүн Аллаһы разы салмаг үчүн һәјат тәрзиниздә нәји дәјишмәлисиниз, сонра өјрәндикләринизә әмәл един *. Ҝүнаһларынызын бағышланмасы вә виҹданынызын тәмиз олмасы үчүн Аллаһа дуа един. Әмин олун ки, Аллаһын тәгдим етдији фидјәјә иман едәнләри ҝәләҹәкдә сүлһ вә тәһлүкәсизлик ичәрисиндә әбәди, фираван бир һәјат ҝөзләјир (Ибраниләрә 11:1).

  • Мәсиһин өлүмүнү анма мәрасиминә ҝәлин. Иса Мәсиһ фидјә гурбанлығыны һәр ил анмағымыз үчүн бир мәрасим тәсис етмишди. Бу мәрасимлә бағлы о демишди: «Хатирәми јад етмәк үчүн буну һәмишә един» (Лука 22:19). Бу ил Јеһованын Шаһидләри Иса пејғәмбәрин өлүмүнү анма мәрасимини 2017-ҹи ил 11 апрел чәршәнбә ахшамы ҝүн батандан сонра гејд едәҹәкләр. Мәрасим бир саат чәкәҹәк. Мәрасимдә Иса пејғәмбәрин өлүмүнүн маһијјәти вә бунун бизә һәм инди, һәм дә ҝәләҹәкдә ҝәтирәҹәји фајдасы ачыгланаҹаг. Бүтүн дүнјада гејд олунан бу мәрасимдә кечән ил тәхминән 20 милјон инсан иштирак етмишди. Бу мәрасимә ҝәлмәклә Аллаһын фидјә әнамына ҝөрә миннәтдарлығынызы ҝөстәрә биләрсиниз. Бөјүк мәмнунијјәтлә сизи бу мәрасимә дәвәт едирик.

^ абз. 7 Аллаһы танымағын вә Она јахынлашмағын ән јахшы јолу Мүгәддәс Китабы охумагдыр. Көмәк үчүн Јеһованын Шаһидләри илә әлагә сахлајын вә ја www.jw.org/az сајтыны зијарәт един.