Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

ҜӘНҸЛӘРИН СУАЛЛАРЫ

Евләнмәјә һазыраммы?

Евләнмәјә һазыраммы?

Бу суала ҹаваб вермәмишдән әввәл, сән өзүнү јахшы танымалысан. Мисал үчүн, ашағыдакы мәгамлара диггәт јетир:

Башгалары илә рәфтарын

Валидејнләринлә вә баҹы-гардашларынла јола ҝедирсән? Тез-тезми өзүндән чыхырсан? Белә мәгамларда онларла кобуд данышыр вә ја атмаҹалар атырсан? Бәс онлар сәнин давранышын һагда нә фикирләширләр? Аилә үзвләринлә рәфтарын сәнин ҝәләҹәк һәјат јолдашынла неҹә рәфтар едәҹәјинә ишарә едир (Ефеслиләрә 4:31).

Давранышын

Неҹә инсансан: никбин, ја бәдбин? Ҝүзәштә ҝетмәји баҹарырсан, јохса сона гәдәр дирәширсән? Вәзијјәт ҝәрҝинләшәндә өзүнә һаким ола билирсән? Сәбирлисән? Аллаһын руһунун бәһрәсини өзүндә индидән јетишдирсән, ҝәләҹәкдә јахшы һәјат јолдашы оларсан (Галатијалылара 5:22, 23).

Пул

Пулла аран неҹәдир? Тез-тез борҹа ҝирирсән? Бир ишдә гәрар тута билирсән? Әҝәр тута билмирсәнсә, проблем нәдәдир: ишин өзүндә, мүдириндә, јохса сәндә? Бәлкә, хасијјәтиндә вә ја вәрдишләриндә нәјисә дәјишмәлисән? Әҝәр бу ҝүн өзүнү доландыра билмирсәнсә, гураҹағын аиләни неҹә доландыраҹагсан? (1 Тимотејә 5:8).

Аллаһла мүнасибәтин

Әҝәр сән Јеһованын Шаһидисәнсә, Аллаһла јахшы мүнасибәти горумаг үчүн нә едирсән? Аллаһын Кәламыны охумагда, тәблиғә ҝетмәкдә вә јығынҹагда иштирак етмәкдә тәшәббүс ҝөстәрирсәнми? Аилә гураҹағын инсан јанында руһән ҝүҹлү өмүр-ҝүн јолдашынын олмасына лајигдир (Ваиз 4:9, 10).

Сән өзүнү нә гәдәр јахшы танысан, мәнфи јох, мүсбәт ҹәһәтләрини артыраҹаг инсаны тапмаг сәнә бир о гәдәр асан олаҹаг.