Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

ҜӘНҸЛӘРИН СУАЛЛАРЫ

Евдә гајдаларын гојулмасы шәртдир?

Евдә гајдаларын гојулмасы шәртдир?

Бәзән евдә гојулан гајдалара риајәт етмәк сәнә чәтин ҝәлир? Бу мәгалә вә она әсасланан чалышма вәрәги сәнә валидејнләринлә бу барәдә сөһбәт етмәјә көмәк едәҹәк.

 Дүзҝүн бахыш

Сәһв. Еви тәрк едәндә сәрбәст олурсан вә һәр һансыса бир гајдаја риајәт етмәјә мәҹбур галмырсан.

Доғру. Еви тәрк етсән дә, етмәсән дә, бәзи гајдалара риајәт етмәлисән. Сән мүдиринин, ев саһибинин, һәтта дөвләтин гаршысында ҹавабдеһлик дашыјаҹагсан. 19 јашлы Даниела дејир: «Мәнҹә, евдәки гајдалара әмәл етмәјән ҝәнҹләр сонра өз шәхси һәјатларында чох әзијјәт чәкирләр»

Мүгәддәс Китабда дејилир: «Һакимијјәтә вә һөкумәтә табе [олун]» (Титуса 3:1). Валидејнләрин гојдуғу гајдалара риајәт етмәји өјрәнмәјин сәнә сонрадан һәјатын диҝәр саһәләриндә үзләшәҹәјин чәтинликләр заманы јеткин давранмағын үчүн тәҹрүбә олаҹаг.

Нә едә биләрсән? Гајдаларын фајдасыны ҝөрмәјә чалыш. Ҹереми адлы ҝәнҹ дејир: «Валидејнләримин гојдуғу гајдалар дост сечимимә вә вахтымдан дүзҝүн истифадә етмәјимә чох көмәк етди. Бу гајдалар һәмчинин мәнә көмәк етди ки, вахтымын чохуну телевизора вә електрон ојунлара сәрф етмәјим. Әксинә, даһа фајдалы шејләрлә мәшғул олум. Мән бу фајдалы шејләрин бәзиләрини һәлә дә едирәм».

 Дүзҝүн мүнасибәт

Бәс гојулан гајда мәнасыз ҝөрүнүрсә? Мисал үчүн, Тамара адлы ҝәнҹ гыз дејир: «Валидејнләрим мәнә башга өлкәјә ҝетмәјимә иҹазә вермишди, амма инди гајыдандан сонра 20 дәгигә узаглыгда јерләшән шәһәрә ҝетмәјимә иҹазә вермирләр!»

Әҝәр сән дә ејни вәзијјәтдәсәнсә, валидејнләринлә гојулан гајдалар һагда данышмаг гәбаһәтдир? Нијә гәбаһәт олсун ки?! Әсас одур нә вахт вә неҹә данышаҹағыны биләсән.

Нә вахт? Аманда адлы јенијетмә дејир: «Јалныз валидејнләринин етибарыны газанандан узун мүддәт сонра гајдалара дүзәлиш етмәк һагда онларла даныша биләрсән».

Дариа адлы гыз бунун доғрулуғуна өзү әмин олуб. О дејир: «Анам мәним сөзә гулаг асдығыма әмин олмајынҹа гајдалара һеч бир дәјишиклик етмәди». Унутма, бәзи шејләри газанмасан, онлары хәрҹләјә билмәзсән.

Валидејнләрин гојдуғу гајдалара мәһәл гојулмајан бир евдә јашамаг тәјјарәнин һава нәглијјаты гајдаларына әмәл етмәјән һава лиманына ениш етмәсинә бәнзәјир

Мүгәддәс Китабда дејилир: «Атанын әмрини јеринә јетир, ананын нәсиһәтиндән чыхма» (Мәсәлләр 6:20). Нөвбәти нәсиһәт сәнә валидејнләринин етибарыны газанмаға вә онларла мүзакирә етмәк үчүн әсас әлдә етмәјә көмәк едәҹәк.

Неҹә? Стивен адлы ҝәнҹ дејир: «Һөрмәтҹил вә сакит олмаг һәмишә валидејнләрлә данышмағын ән јахшы јолу олуб, нәинки чығыр-бағыр салмаг».

Јухарыда ады чәкилән Дариа бунунла разыдыр. О дејир: «Анама нәјисә сүбут етмәјә чалышанда һеч нә дәјишмирди. Әксинә һәтта бәзән о гајдалары даһа да сәртләшдирирди».

Мүгәддәс Китабда дејилир: «Ахмаг адам һирсини ортаја төкәр, һикмәтли исә тәмкинини позмајыб сакит галар» (Мәсәлләр 29:11). Өзүнә һаким олмағы өјрәнмәјин тәкҹә евдә јох, һәмчинин мәктәбдә, ишдә вә диҝәр јерләрдә бөјүк хејри дәјир.

Нә едә биләрсән? Фикирләш сонра даныш. Бир һај-күј бәсдир ки, олан-галан етибарын да јох олсун. Мүгәддәс Китабда јахшы дејилир ки, «өзүндән тез чыхмајан бәсирәт саһибидир» (Мәсәлләр 14:29).

Мәсләһәт. Бу мәгаләјә әсасланан чалышма вәрәгиндән истифадә едәрәк гајдалары әсасландыр вә еһтијаҹ јаранарса, верилән мәсләһәт һагда валидејнләринлә сөһбәт ет.