Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

«Једди өлүмҹүл ҝүнаһ» вар?

«Једди өлүмҹүл ҝүнаһ» вар?

Мүгәддәс Јазыларын ҹавабы

Мүгәддәс Китабда ајрыҹа олараг «једди өлүмҹүл ҝүнаһ» вурғуланмыр. Амма орада дејилир ки, инсан ҹидди ҝүнаһлара јол верәрсә, хиласдан мәһрум ола биләр. Мисал үчүн, Мүгәддәс Китабда ҝүнаһлы бәдәнин әмәлләри олан ҹинси әхлагсызлыг, бүтпәрәстлик, спиритизм, гәзәб, сәрхошлуг кими ҹидди ҝүнаһлар садаланыр. Вә дејилир ки, «белә ишләрлә мәшғул оланлар Аллаһын Падшаһлығына ҝирмәјәҹәкләр» (Галатијалылара 5:19—21) *.

Мәҝәр Мүгәддәс Китабда Јеһованын икраһ етдији једди шејин ады чәкилмир?

Чәкилир. Мәсәлләр 6:16 ајәсиндә дејилир ки, «алты шеј вар ки, Јеһованын зәһләси ҝедир, једди шејдән икраһ едир». Амма Мәсәлләр 6:16—19 ајәләриндә садалананлар бүтүн ҝүнаһлары өзүнә еһтива етмир. Бу ајәләрдә инсанын дүшүнҹәсиндә, сөзләриндә вә әмәлләриндә едә биләҹәји һәр нөв ҝүнаһын әсас категоријалары ҝәтирилир *.

Бәс «өлүмҹүл ҝүнаһ» ифадәсини неҹә баша дүшмәли?

Мүгәддәс Китабда ачыг шәкилдә ҝөстәрилир ки, бүтүн ҝүнаһлар өлүмә апарыб чыхара биләр. Амма биз Иса Мәсиһин фидјә гурбанлығы сајәсиндә ҝүнаһдан вә өлүмдән хилас ола биләрик (Ромалылара 5:12; 6:23). Лакин Мәсиһин фидјә гурбанлығы бир һалда «өлүмә апаран [ҝүнаһы]» јумур. Белә ҝүнаһ едән кәс тутдуғу пис әмәлдән әсла әл чәкмир вә һеч вахт пешман олмур. Һәмчинин Мүгәддәс Китаб бу кими ҝүнаһлары «бағышланмајаҹаг» ҝүнаһлар адланыр (Мәтта 12:31; Лука 12:10).

^ абз. 3 Галатијалылара 5:19—21 ајәләриндә ҹидди ҝүнаһлардан 15-нин ады чәкилир вә ајәнин сонунда «вә саирә» ифадәси ишләнир. Бу ајәни охујан кәс әглини ишә салыб, һәмин сијаһыда ады чәкилмәјән, лакин «вә саирәјә» дахил олан диҝәр ҝүнаһлары өзү мүәјјән етмәлидир.

^ абз. 5 Мәсәлләр 6:16 ајәсиндә ибрани идиому ишләнир. Икинҹи јердә вурғуланан шеј биринҹи јердә садалананларла гаршылашдырылыр. Бу ҹүр ифадә формасы Мүгәддәс Китабда тез-тез раст ҝәлинир (Әјјуб 5:19; Мәсәлләр 30:15, 18, 21).