Мүгәддәс Јазыларын ҹавабы

«Падшаһлығын ачарлары» инсанларын «Аллаһын Падшаһлығына» дахил олмасына јол ачмаг сәлаһијјәтини тәмсил едир (Мәтта 16:19; Һәвариләрин ишләри 14:22) a. Иса Мәсиһ «Сәмави Падшаһлығын ачарларыны» һәвариси Бутруса вермишди. Бу о демәкдир ки, Бутрус садиг инсанларын Аллаһын мүгәддәс руһуну гәбул едәрәк Сәмави Падшаһлыға ҝирмәк шәрәфинә неҹә лајиг ҝөрүлә биләҹәкләри барәдә мәлуматы ачмаг сәлаһијјәтинә малик олду.

Ачар кимләр үчүн истифадә олунурду?

Бутрус Аллаһ тәрәфиндән верилән бу сәлаһијјәтдән үч груп инсанын Падшаһлыға ҝирә билмәси үчүн истифадә етди:

1. Јәһудиләр вә прозелитләр. Иса Мәсиһин өлүмүндән гыса мүддәт сонра Бутрус јәһудиләрдән ибарәт издиһамы Исаны Аллаһын Падшаһлығынын падшаһы кими гәбул етмәјә тәшвиг етди. Бутрус онлара хилас олмаг үчүн нә етмәли олдугларыны билдирди. Беләҹә о, ҹамаата Падшаһлыға ҝирмәк үчүн јол ачды вә минләрлә адам онун сөзләрини гәбул етди (Һәвариләрин ишләри 2:38—41).

2. Сәмәријјәлиләр. Сонралар Бутрус сәмәријјәлиләрин јанына ҝөндәрилди b. О, һәвари Јәһја илә бирликдә сәмәријјәлиләрин «мүгәддәс руһ алмасы үчүн дуа» едәндә бир даһа Падшаһлығын ачарындан истифадә етди (Һәвариләрин ишләри 8:14—17). Бу, сәмәријјәлиләрин Падшаһлыға ҝирмәсинә јол ачды.

3. Гејри-јәһудиләр. Иса Мәсиһин өлүмүндән үч ил јарым сонра Аллаһ Бутруса әјан етмишди ки, гејри-јәһудиләрин дә Падшаһлыға ҝирмәк имканы вар. Буна мүвафиг олараг, Бутрус ачарлардан бирини истифадә едәрәк гејри-јәһудиләрә тәблиғ етди. Бунунла да гејри-јәһудиләрин мүгәддәс руһ алмалары, мәсиһи вә Падшаһлығын ҝәләҹәк үзвләри олмалары үчүн гапы ачылды (Һәвариләрин ишләри 10:30—35, 44, 45).

«Падшаһлыға ҝирмәк» нә демәкдир?

«Падшаһлыға ҝирәнләр» Иса Мәсиһлә бирҝә ҝөјдә һакимијјәт сүрәҹәкләр. Мүгәддәс Китабда пејғәмбәрлик едилиб ки, онлар тахта отураҹаглар вә јер үзәриндә падшаһлыг едәҹәкләр (Лука 22:29, 30; Вәһј 5:9, 10).

Падшаһлығын ачарлары һагда јанлыш фикирләр

Сәһв. Падшаһлығын ачарларыны нә вахт истифадә едәҹәјинә Бутрус өзү гәрар верир. Ҝөјләр онун гәрарыны ҝөзләјир.

Доғру. Иса Мәсиһ Падшаһлығын ачарлары һагда данышанда Бутруса демишди: «Јер үзүндә бағлајаҹағын һәр шеј ҝөјләрдә бағланмыш олур вә јер үзүндә ачаҹағын һәр шеј ҝөјләрдә ачылмыш олур» (Мәтта 16:19, Инҹил, 1996). Бәзиләри бу сөзләри елә баша дүшүр ки, нә етмәли олдуғуну ҝөјләрә Бутрус ҝөстәриш верир, анҹаг орижинал мәтндә јазылмыш јунан фели Бутрусун гәрарларынын ҝөјдәки гәрарлардан үстүн олдуғуну јох, Бутрусун ҝөјдә верилмиш гәрара ујғун давранмалы олдуғуну ҝөстәрир.

Мүгәддәс Китабда диҝәр бир ајәдә ҝөстәрилир ки, Бутрус Падшаһлығын ачарларыны истифадә едән заман ҝөјдән ҝәлән ҝөстәришә табе олмушду. Мәсәлән, о, үчүнҹү ачары гәбул едәндә Аллаһдан ҝөстәриш алмышды (Һәвариләрин ишләри 10:19, 20).