Мүгәддәс Јазыларын ҹавабы

Аллаһ нә доғулуб, нә дә ки доғмур. Һәјаты һамыја бәхш едән Одур (Инҹил, Вәһј 4:11). Мәһз буна ҝөрә Аллаһ тәрәфиндән јарадылан илк инсан Адәм «Аллаһын оғлу» адланыр (Инҹил, Лука 3:38). Ејнилә Мүгәддәс Јазыларда Иса Мәсиһин дә Аллаһ тәрәфиндән јарадылдығы гејд олунур. Бу сәбәбдән дә Иса Мәсиһ «Аллаһын Оғлу» адланыр (Инҹил, Јәһја 1:49).

Аллаһ Исаны Адәмдән өнҹә јарадыб. Аллаһын Кәламында Иса Мәсиһ һаггында белә сөзләр јазылыб: «О, ҝөзәҝөрүнмәз Аллаһын иникасы, бүтүн хилгәтин илкидир» (Инҹил, Колослулара 1:15). Иса Мәсиһин һәјаты јер үзүнә ҝәлмәздән чох-чох әввәл башлајыб. Мүгәддәс Јазыларда дејилир ки, «онун нәсли чох гәдимләрә, заманын башланғыҹына ҝедир» (Пејғәмбәрләрин китабы, Микеја 5:2). Аллаһ тәрәфиндән јарадылан илк Оғлу олдуғу үчүн Иса Мәсиһ јер үзүндә ҝәлмәздән әввәл Аллаһын дәрҝаһында бир мәләк иди. О өзү дә ҝөјдән ҝәлдијини тәсдиг етмишди (Инҹил, Јәһја 6:38; 8:23).