Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Онлар нәјә ҝөрә бенгал дилини өјрәнирләр?

Онлар нәјә ҝөрә бенгал дилини өјрәнирләр?

Бу јахынларда 23 Јеһованын Шаһиди Нју-Јоркун Куинс рајонунда тәшкил олунан бенгал дили курсларыны кечиб. Бу дилдә Бангладешдә вә Һиндистанын бәзи бөлҝәләриндә данышырлар. Јеһованын Шаһидләри тәрәфиндән кечирилән бу курсларда әҹнәби дили гыса мүддәтдә өјрәнмәк мүмкүндүр.

Јеһованын Шаһидләри бенгал дили илә јанашы, АБШ-да вә дүнјанын диҝәр өлкәләриндә мүхтәлиф дилләри өјрәтмәк үчүн курслар тәшкил едирләр. Бу курсларын мәгсәди хош хәбәри инсанлара ана дилләриндә чатдырмагдыр.

Бенгал дилини өјрәнән Магали адлы ҝәнҹ гадын дејир: «Бизим әразидә бенгалдилли инсанларын сајы сүрәтлә артыр. Онлар “дүнјада нәјә ҝөрә бу гәдәр әзаб-әзијјәт вар?” кими ваҹиб суаллара ҹаваб ахтарырлар. Мән онлара Аллаһын ҝәләҹәјә даир мөһтәшәм вәдләри һагда данышанда онлар даһа чох билмәк истәјирләр, амма дил һәмишә әнҝәл олур».

Курса јазыланларын дили мүмкүн гәдәр тез өјрәнмәләри үчүн тәлиматчылар әјләнҹәли тәлим үсуллардан истифадә едирдиләр. Мәсәлән, сөз вә ифадәләрин јадда галмасыны асанлашдырмаг мәгсәдилә физики һәрәкәтләрдән дә истифадә олунур.

Һәр мәшғәләдән сонра онлар өјрәндикләрини бенгалдилли инсанларла үнсијјәт етмәклә вә онлары Мүгәддәс Китаб мөвзуларынын мүзакирәсинә дәвәт етмәклә дәрһал тәтбиг едирдиләр. Магали дејир: «Инсанлар тәәҹҹүбләнирләр вә нәјә ҝөрә онларын дилини өјрәндијими билмәк истәјирләр. Мәним бу ишә вахт ајырмағым онлара чатдырдығымыз хәбәрин ваҹиб олдуғуну анламаға көмәк едир».

Јеһованын Шаһидләри әҹнәби дилләри өјрәтмәклә јанашы, курслары кечирән тәлиматчылар да һазырлајырлар. 2006-ҹы илин јанвардан 2012-ҹи илин јанварынадәк јалныз АБШ филиалынын әразисиндә дил үзрә 38-ә јахын семинар тәшкил олунмушду вә бу семинарларда 2244 нәфәрин тәлиматчы олмасы үчүн тәлим кечирлмишди. 2012-ҹи ил сентјабрын 1-дәк АБШ-дакы филиалын нәздиндә олан әразиләрдә 37 дили өјрәдән курслар тәшкил олунмушду.