Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Нәјә ҝөрә Јеһованын Шаһидләри онлара гаршы ирәли сүрүлән һәр иттиһама ҹаваб вермирләр?

Нәјә ҝөрә Јеһованын Шаһидләри онлара гаршы ирәли сүрүлән һәр иттиһама ҹаваб вермирләр?

Јеһованын Шаһидләри Мүгәддәс Китабдакы мәсләһәтә әсасән иттиһамлара вә ришхәндләрә ҹаваб вермирләр. Мисал үчүн, Мүгәддәс Китабдакы бир мәсәлдә дејилир: «Ришхәндчијә өјүд-нәсиһәт верән һөрмәтдән дүшәр» (Мәсәлләр 9:7, 8; 26:4). Биз јалан иттиһамлара ҝөрә нараһат олуб мүбаһисәјә ҝиришмәкдәнсә, фикримизи Аллаһа ибадәт етмәјә ҹәмләјирик.

Әлбәттә, «сусмағын өз вахты, данышмағын өз вахты» вар (Ваиз 3:7). Биз һәгигәти ахтаран инсанлара ҹаваб веририк, анҹаг мәнасыз мүбаһисәләрдән гачырыг. Биз Иса Мәсиһин вә биринҹи әсрдәки мәсиһиләрин мәсләһәтләринә әмәл едир вә нүмунәләрини изләјирик.

  • Иса Мәсиһ Пилатын гаршысында она гаршы ирәли сүрүлән јалан иттиһамлара ҹаваб вермирди (Мәтта 27:11—14; 1 Бутрус 2:21—23). Бундан башга, Иса Мәсиһ она сәрхош вә гарынгулу дејәнләрин дә иттиһамларына ҹаваб вермирди. Әксинә, о, Мүгәддәс Китабдакы «һикмәт әмәлләри сајәсиндә һаглы чыхыр» принсипинә әсасән, һәмин инсанлара әмәлләри илә ҹаваб верди (Мәтта 11:19). Вәзијјәт ҹаваб вермәји тәләб едәндә Иса Мәсиһ она бөһтан атанлара ҹәсарәтлә ҹаваб верирди (Мәтта 15:1—3; Марк 3:22—30).

    Иса Мәсиһ шаҝирдләрини јалан иттиһамлара ҝөрә руһдан дүшмәмәјә тәшвиг едирди. О демишди: «Мәнә ҝөрә инсанлар сизи тәһгир вә тәгиб едәндә, сизин һаггынызда һәр ҹүр јалан вә пис сөз данышанда сиз неҹә дә хошбәхтсиниз!» (Мәтта 5:11, 12). Иса Мәсиһ һәмчинин демишди ки, иттиһамлар шаҝирдләри үчүн шаһидлик етмәјә имкан јараданда о, өз вәдини јеринә јетирәҹәк. О, бу вәди вермишди: «Мән сизин дилинизә елә сөзләр гојаҹағам, сизә елә һикмәт верәҹәјәм ки, дүшмәнләриниз сизә бата билмәјәҹәк, сөзүнүзүн габағында сөз дејә билмәјәҹәк» (Лука 21:12—15).

  • Һәвари Булус иттиһамларын «бош вә мәнасыз» олдуғуну демиш вә мәсиһиләрә дүшмәнләри илә мәнасыз мүбаһисәләрә ҝиришмәмәји мәсләһәт ҝөрмүшдү (Титуса 3:9; Ромалылара 16:17, 18).

  • Һәвари Бутрус мәсиһиләри имкан дүшәндә етигадларыны мүдафиә етмәјә тәшвиг етмишди (1 Бутрус 3:15). Һәмчинин Бутрус баша дүшүрдү ки, буну сөздә јох, әмәлдә ҝөстәрмәк даһа јахшы олар. О јазмышды: «Сиз јахшы ишләринизлә наданлыгла данышан ағылсызлары сусдурасыныз» (1 Бутрус 2:12—15).

Әлава мәлумат

ТЕЗ-ТЕЗ ВЕРИЛӘН СУАЛЛАР

Јеһованын Шаһидләри нәјә инанырлар?

15 әсас тәлимимизлә таныш олун.

ТЕЗ-ТЕЗ ВЕРИЛӘН СУАЛЛАР

Јеһованын Шаһидләринин баниси кимдир?

Нәјә ҝөрә Чарлз Тејз Расселин јени динин әсасыны гојмадығынын сәбәбләрини өјрәнин.