Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

11 ФЕВРАЛ 2013-ҸҮ ИЛ
РУСИЈА

«1937-ҹи илдә јашамырыг»

«1937-ҹи илдә јашамырыг»

19 апрел 2012-ҹи илдә Русијанын Перм шәһәриндә Александр Соловјов адлы Јеһованын Шаһиди кирајә тутдуғу јердә «ганунсуз дини ибадәт» кечирдији үчүн 1000 рубл ҹәримә едилди.

Рајон мәһкәмәси Соловјовун әлејһинә дејилән дәлилләрә гулаг асдыгдан сонра ашағы инстансија мәһкәмәсинин гәрарыны вә ҹәримәни ләғв етди.

Һаким гәрары охуду вә Шаһидләри мүдафиә едәрәк деди: «Ганунвериҹилијә вә бәзи инсанларда габагҹадан јаранан фикирләрә зидд олса да, биз 1937-ҹи илдә јашамырыг. О дөврдәки кими биз ајдын һәгигәтләрә ҝөз јума билмәрик. Арзум будур ки, сизин тәлим програмы сајәсиндә ҹәмијјәтимиз даһа да әхлаглы вә исмәтли олсун».

1937-ҹи илин ијул ајында Совет диктатору Сталинин 00447 нөмрәли гәрарынын чыхмасы илә өлкәдә мисли ҝөрүлмәмиш дәрәҹәдә зүлм вә гәддарлыг башлады. Бу дөврләрдә дөвләтә гаршы зидд фикирдә оланлары һеч бир сәбәб олмадан һәбс едиб мәһкәмәјә чыхардырдылар. Рәсми мәнбәләрә ҝөрә он минләрлә инсан әмәк дүшәрҝәләринә ҝөндәрилмишди вә 300 000-дән чох инсан исә өлүмә мәһкум едиләрәк едам олунмушду.