Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

21 ЈАНВАР 2014-ҸҮ ИЛ
РУСИЈА

СОН ВӘЗИЈЈӘТ: JW.ORG сајтыны гадаған етмәк ҹәһди боша чыхды

СОН ВӘЗИЈЈӘТ: JW.ORG сајтыны гадаған етмәк ҹәһди боша чыхды

САНКТ-ПЕТЕРБУРГ, Русија. 2013-ҹү ил 7 август тарихиндә Москвадан тәхминән 160 километр шималда јерләшән Твер шәһәринин Мәркәзи Рајон Мәһкәмәси Мүгәддәс Китаб тәлимләрини ишыгландыран jw.org сајтынын Русија Федерасијасынын бүтүн әразисиндә гадаған олунмасы барәдә гәрар чыхармышды.

Бүтүн дүнјада jw.org сајтындан јүз минләрлә инсанын фајдаланмасына вә мүтәхәссисләрин ону јүксәк гијмәтләндирмәсинә бахмајараг, мәһкәмә бу мәшһур сајты гадаған етмәјә чалышан мәмурларын тәрәфини тутду. Мәһкәмә сајтын саһиби олан Ҝөзәтчи Гүлләси, Мүгәддәс Китаб вә Трактатлар Ҹәмијјәтинә (Нју-Јорк) билдириш ҝөндәрмәдән вә онларын ифадәләрини динләмәдән бу гәрары верди. Буна ҝөрә дә Јеһованын Шаһидләри Твер Вилајәт Мәһкәмәсинә шикајәт әризәси илә мүраҹиәт етдиләр. Мәһкәмә иҹласы 2014-ҹү ил 22 јанвар тарихинә тәјин едилиб.

Әҝәр мәһкәмә шикајәтә бахмагдан имтина едәрсә, бу сајтдан шәхси вә аиләви өјрәнмә үчүн, еләҹә дә дини фәалијјәтләриндә истифадә едән Русијадакы 160 000-дән чох Јеһованын Шаһиди сајта дахил ола билмәјәҹәк. Сајты реклам етмәк вә ондан истифадә етмәк Русија әразисиндә ҹинајәт сајылаҹаг. Бундан башга, тәхминән 142 милјонлуг Русија әһалиси дә Мүгәддәс Китаб һаггында пулсуз мәлумат әлдә етмәк үчүн jw.org сајтындан истифадә едә билмәјәҹәк. Фәлсәфә елмләри доктору, диншүнас вә Москва шәһәриндәки Русија Әмәк вә Сосиал Мүнасибәтләр Академијасынын профессору Јекатерина Е. сајт барәдә дејир: «Бу сајт дини арашдырмаларла мәшғул олан һәр бир инсан үчүн әсил һәдијјәдир. Мәлумат әтрафлы вә ајдын шәкилдә тәгдим олунур. Ваҹиб руһани вә әхлаги мәсәләләр садә диллә изаһ едилир. Сајта дахил оланда, елә бил, Јеһованын Шаһидләринин евиндә гонаг олурсан».

Һадисәләрә Санкт-Петербургдан шәрһ верән Јеһованын Шаһидләринин Русијадакы нүмајәндәси Григори Мартынов гејд едир: «jw.org сајты Мүгәддәс Китаб һагда мәлумат ахтаран Русија сакинләри үчүн әла вәсаитдир. Сајтын сијасәт вә тиҹарәтлә һеч бир әлагәси јохдур. Үмидварыг ки, Твер Вилајәт Мәһкәмәси бүтүн Русија сакинләринин бу мәшһур маарифләндириҹи сајтдан бундан сонра да истифадә етмәләрини тәмин едәҹәк».

Јеһованын Шаһидләринин үмумдүнја мәркәзиндәки (Нју-Јорк) нүмајәндәси Ҹејмс Браун дејир: «jw.org сајты арашдырма үчүн гијмәтли вәсаит олмагла јанашы, бүтүн дүнјада аиләләр үчүн етибарлы мәлумат мәнбәјидир. Тәхминән 600 дилдә фајдалы мәлуматын дәрҹ едилдији бу сајта һәр ҝүн, орта һесабла, 900 000-дән чох адамын дахил олмасы буна бир сүбутдур. Сајтын гадаған едилмәси үчүн һеч бир әсас јохдур».

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000

Русија: Григори Мартынов, тел.: +7 812 702 2691