Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

2 Салнамәләр 8:1—18

МҮНДӘРИҸАТ

  • Сүлејманын диҝәр тикинти лајиһәләри (1—11)

  • Мәбәддә мүгәддәс хидмәт (12—16)

  • Сүлејман падшаһын ҝәмиләри (17, 18)

8  Сүлејман Јеһованын евини вә өз евини ијирми илә тикди.+  Сонра Һирамын+ вердији шәһәрләри бәрпа едиб исраиллиләри орада мәскунлашдырды.  Сүлејман Һәмәс-Собаһа һүҹум едиб ораны әлә кечирди.  О, сәһрадакы Тадмуру вә Һәмәсдә+ тикдији анбар шәһәрләрини+ бәрпа етди.  Јухары вә Ашағы Бејт-Һуруну,+ ҹәфтәли дарвазалары олан гала-шәһәрләрини,  Баалаты+, өзүнүн анбар шәһәрләрини, арабалар үчүн ајрылан шәһәрләри,+ сүвариләр үчүн ајрылан шәһәрләри инша етди. О һәмчинин Јерусәлимдә, Ливанда вә бүтүн сәлтәнәтиндә көнлү истәдији һәр шеји тикди.  Исраилли олмајан һетләрдән, амориләрдән, фәризиләрдән, һивиләрдән, јәбусиләрдән+ сағ галанлары,+  онларын өлкәдә јашајан нәсилләрини — исраиллиләрин мәһв етмәдији адамларын һамысыны+ Сүлејман көлә кими ишләтди. Бу, индијәдәк беләдир.+  Амма исраиллиләрдән һеч кими өз ишиндә гул кими ишләтмәди.+ Онлар дөјүшчү идиләр, јавәр, арабачы вә сүвариләрин башчысы идиләр.+ 10  Сүлејман падшаһын ишләринә 250 нәзарәтчи башчылыг едир, ишчиләрә нәзарәт едирди.+ 11  Сүлејман фиронун гызыны+ Давуд шәһәриндән чыхарыб онун үчүн тикдији евә ҝәтирди.+ О деди: «О, мәним арвадым олса да, Исраил падшаһы Давудун евиндә јашамамалыдыр, чүнки Јеһованын сандығынын олдуғу јерләр мүгәддәсдир».+ 12  Сонра Сүлејман ејванын+ габағында дүзәлтдији Јеһованын гурбанҝаһы+ үзәриндә Јеһоваја јандырма гурбанлары ҝәтирди.+ 13  О, ҝүндәлик тәгдимәләри вә шәнбә ҝүнләри+, тәзә ај мәрасимләри+, илдә үч дәфә гејд олунан бајрамларла+ — Мајасыз чөрәк бајрамы+, Һәфтәләр бајрамы+ вә Чардаглар бајрамы+ илә бағлы Мусанын вердији ҝөстәришләрә ујғун олараг, гурбанлар ҝәтирирди. 14  Һәмчинин о, атасы Давудун тәсис етдији гајдаја әсасән, каһин бөлүкләрини+ өз мөвгеләринә, лавилиләри ҝүндәлик гајдаја ҝөрә каһинләрин јанында Аллаһы мәдһ етмәјә+ вә хидмәт етмәјә гојду. Һәр дарвазаја бөлүкләринә ҝөрә кешикчиләр тәјин етди.+ Чүнки Аллаһ адамы Давуд белә бујурмушду. 15  Онлар һәр мәсәләдә, анбарларла бағлы мәсәләләрдә падшаһын каһинләрә вә лавилиләрә вердији әмрә риајәт етдиләр. 16  Јеһованын евинин тәмәли гојуландан+ тикинти гуртарана гәдәр Сүлејман бүтүн ишләри јахшы тәшкил етмишди. Беләҹә, Јеһованын евинин иншасы баша чатды.+ 17  Һәмин вахт Сүлејман Әзјун-Гәбәрә+ вә Әдум мәмләкәтиндә, дәниз саһилиндә јерләшән Елата+ ҝетди.+ 18  Һирам+ хидмәтчиләри васитәсилә она ҝәмиләр вә тәҹрүбәли дәнизчиләр ҝөндәрирди. Онлар Сүлејманын хидмәтчиләри илә Офирә+ ҝедир вә орадан Сүлејман падшаһа 450 талант* гызыл ҝәтирирдиләр.+

Һашијәләр

Талант 34,2 кг-а бәрабәрдир. Б14 әлавәсинә бах.