Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

2 Салнамәләр 5:1—14

МҮНДӘРИҸАТ

  • Мәбәдин ачылышына һазырлыг (1—14)

    • Әһд сандығы мәбәдә ҝәтирилир (2—10)

5  Беләликлә, Сүлејман Јеһованын еви илә бағлы бүтүн ишләри тамамлады.+ Сонра атасы Давудун Аллаһ үчүн ајырыб гојдуғу әшјалары ичәри ҝәтирди.+ Гызыл-ҝүмүшү вә әшјалары Аллаһын евинин хәзинәсинә гојду.+  О заман Сүлејман Исраил ағсаггалларыны, бүтүн гәбилә башчыларыны, Исраилин нәсил башчыларыны топлады. Онлар Давуд шәһәриндән, јәни Сиондан Јеһованын Әһд сандығыны ҝәтирмәк үчүн Јерусәлимә ҝәлдиләр.+  Једдинҹи ајда кечирилән бајрамда*+ бүтүн исраиллиләр падшаһын һүзурунда топлашдылар.  Бүтүн Исраил ағсаггаллары ҝәлди. Лавилиләр сандығы галдырдылар.+  Онлар сандығы, Һүзур чадырыны,+ чадырдакы бүтүн мүгәддәс әшјалары ҝәтирдиләр. Бүтүн бунлары каһинләрлә лавилиләр дашыдылар.  Сүлејман падшаһ вә онун һүзуруна чағырылмыш бүтүн Исраил иҹмасы сандығын өнүндә иди. Саја-һесаба ҝәлмәјән мигдарда гојун, гарамал гурбан кәсилди.+  Каһинләр Јеһованын Әһд сандығыны ҝәтириб өз јеринә, мәбәдин ич отағына, Ән мүгәддәс јерә, кәррубларын ганады алтына гојдулар.+  Кәррубларын ганадлары сандыг гојулан јерин үстүнә ачылмышды вә кәррублар сандыгла шүвүлләрин+ үстүнү өртүрдү.  Шүвүлләр елә узун иди ки, уҹлары ич отағын габағындакы Мүгәддәс јердән ҝөрүнүрдү, анҹаг бајырдан ҝөрүнмүрдү. Онлар бу ҝүнәдәк орададырлар. 10  Сандыгда ики лөвһәдән+ башга һеч нә јох иди. Муса онлары сандыға Һурибдә, Јеһова Мисирдән чыхан исраиллиләрлә әһд бағлајанда гојмушду.+ 11  Каһинләр Мүгәддәс мәкандан чыхдылар (мәнсуб олдуглары бөлүкдән асылы олмајараг,+ орадакы бүтүн каһинләр пакланмышды+). 12  Асәф+, Һиман+, Јадитун+, онларын оғуллары вә гардашлары — мәзмур охујан бүтүн лавилиләр+ зәриф парчадан палтар ҝејинмиш, әлләриндә синҹ, телли аләтләр вә чәнҝ гурбанҝаһын шәрг тәрәфиндә дурмушдулар, онларла бирликдә 120 каһин кәрәнај чалырды.+ 13  Кәрәнајчылар вә мәзмур охујанлар бир ағыздан Јеһоваја һәмд-сәна едирдиләр. Онлар «О, кәрамәтлидир, мәһәббәти әбәдидир»+ дејиб Јеһованы мәдһ едәндә, кәрәнајын, чәнҝин, башга аләтләрин сәси ҝөјә јүксәләндә булуд мәбәди, Јеһованын евини долдурду.+ 14  Каһинләр булуда ҝөрә орада галыб хидмәт едә билмәдиләр. Чүнки Јеһова Аллаһын еви Онун ҹалалы илә долмушду.+

Һашијәләр

Чардаглар бајрамы.