Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

2 Салнамәләр 3:1—17

МҮНДӘРИҸАТ

  • Сүлејман мәбәдин тикинтисинә башлајыр (1—7)

  • Ән мүгәддәс јер (8—14)

  • Ики мис сүтун (15—17)

3  Сүлејман Јерусәлимдә, Јеһованын Давуда ҝөрүндүјү Муријјә дағында+ Јеһова үчүн мәбәд тикмәјә башлады.+ Атасы Давуд бурада, јәбуси Орнанын хырманында јер һазырламышды.+  О, һакимијјәтинин дөрдүнҹү илиндә, икинҹи ајын икинҹи ҝүнү тикинти ишинә башлады.  Сүлејман гәдим өлчү ваһидилә 60 гулаҹ* узунлуғунда, 20 гулаҹ ениндә+ Аллаһын евинин тәмәлини гојду.  Евин гаршысындакы ејванын узунлуғу евин енинә мүвафиг олараг, 20 гулаҹ, һүндүрлүјү 120* иди. Онун ичини халис гызылла өртдү.+  Әсас отағы ардыҹ ағаҹы илә өртүб үстүнә халис гызыл чәкди,+ үзәрини хурма ағаҹы+ вә зәнҹир тәсвирләри илә бәзәди.+  Сонра мәбәди ҝөзәл, гијмәтли дашларла бәзәди.+ Ишләтдији гызыл+ Пәрвајимдән ҝәтирилмишди.  О, мәбәди, тирләри, кандары, диварлары вә гапылары гызылла өртдү,+ диварларын үстүндә кәрруб тәсвирләри ојду.+  О, Ән мүгәддәс јери дүзәлтди.+ Онун узунлуғу евин енинә мүвафиг олараг, 20 гулаҹ, ени 20 гулаҹ иди. Ораны 600 талант* халис гызылла өртдү.+  Мыхлар үчүн ајрылмыш гызылын чәкиси 50 шекел* иди. Үст отаглары да гызылла өртдү. 10  Сонра о, Ән мүгәддәс јердә ики кәрруб дүзәлтди вә үстләрини гызылла өртдү.+ 11  Кәррубларын ганадларынын+ үмуми узунлуғу 20 гулаҹ иди. Биринҹи кәррубун бир ганады 5 гулаҹ иди вә дивара дәјирди. О бири ганады да 5 гулаҹ иди вә о бири кәррубун ганадына дәјирди. 12  Икинҹи кәррубун бир ганады 5 гулаҹ иди вә о бири дивара дәјирди. О бири ганады да 5 гулаҹ иди вә биринҹи кәррубун ганадына дәјирди. 13  Кәррубларын ганадлары 20 гулаҹ узунлуғунда ачылмышды. Онлар ајаг үстә иди вә үзләри Мүгәддәс јерә бахырды. 14  О һәмчинин түнд-гырмызы вә ҝөј ипликдән, бәнөвшәји јундан, зәриф парчадан пәрдә+ тикди вә үзәриндә кәрруб тәсвирләри ишләди.+ 15  Даһа сонра мәбәдин габағында ики сүтун дүзәлтди.+ Сүтунларын һүндүрлүјү 35 гулаҹ, үстләриндәки сүтун башлыгларынын һәр бири 5 гулаҹ иди.+ 16  О, бојунбағыја бәнзәр зәнҹирләр дүзәлдиб сүтун башлыгларына гојду, һәмчинин 100 нар дүзәлдиб зәнҹирләрә бәркитди. 17  Сүтунлары мәбәдин гаршысына, бирини сағ тәрәфә, о бирини сол тәрәфә гојду. Сағдакына Јакин*, солдакына Буәз* адыны верди.

Һашијәләр

Стандарт гулаҹ 44,5 см-дир. Лакин бәзиләринин фикринҹә, гәдим өлчү ваһиди дејиләркән, узунлуғу 51,8 см олан узун гулаҹ нәзәрдә тутулур. Б14 әлавәсинә бах.
Өлчү ваһиди мәлум дејил.
Талант 34,2 кг-а бәрабәрдир. Б14 әлавәсинә бах.
Шекел 11,4 г-а бәрабәрдир. Б14 әлавәсинә бах.
Мәнасы: гој О (Јеһова) мөһкәмләндирсин.
Тәхмини мәнасы: гүдрәтлә.