Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

2 Салнамәләр 17:1—19

МҮНДӘРИҸАТ

  • Јәһуда падшаһы Јәһушафат (1—6)

  • Јәһушафат әмирләри тәлим вермәјә ҝөндәрир (7—9)

  • Јәһушафатын һәрби гүввәси (10—19)

17  Асанын јеринә оғлу Јәһушафат тахта чыхды.+ О, Исраилдә тахтыны мөһкәмләндирди.  Јәһуданын бүтүн гала-шәһәрләринә гошун јерләшдирди. Јәһуда мәмләкәтинә вә атасы Асанын ишғал етдији Әфраим шәһәрләринә+ кешикчи дәстәләри гојду.  Јеһова Јәһушафата јар олурду. Чүнки о, өзүндән габаг јашајан улу бабасы Давудун јоллары илә ҝедир,+ Бааллара сәҹдә етмирди.  Атасынын Аллаһына ибадәт едир,+ Онун әмрләринә табе олурду, Исраил падшаһларынын јолу илә ҝетмирди.+  Јеһова да һакимијјәти онун әлиндә мөһкәмләндирди.+ Бүтүн Јәһуда Јәһушафата бәхшиш верирди. Онун зәнҝин сәрвәти, бөјүк шөһрәти вар иди.+  Јәһушафат Јеһованын јолунда ҹәсарәтләнди. О, һәтта Јәһуда торпағыны сәҹдәҝаһлардан, Ашера бүтләриндән тәмизләди.+  Јәһушафат һакимијјәтинин үчүнҹү илиндә Јәһуда шәһәрләриндә халга тәлим вермәк үчүн әмирләри — Бәнаили, Әбдијаны, Зәкәријјәни, Нәснаили вә Микајы чағырды.  Лавилиләрдән Шәмај, Нәсәнијјә, Зәбәдја, Асаил, Шамирмут, Јәһунатан, Әдунијјә, Тубјаһ, Тубадунијјә, каһинләрдән+ Әлшама вә Јәһурам да онларла иди.  Онлар өзләри илә Јеһованын вердији Ганун китабыны+ ҝөтүрүб Јәһудада тәлим вермәјә башладылар. Бүтүн Јәһуда шәһәрләрини ҝәзиб халга тәлим верирдиләр. 10  Јәһуда илә гоншу олан бүтүн мәмләкәтләри Јеһованын хофу басмышды. Онлар Јәһушафатла мүһарибә етмирдиләр. 11  Филиштлиләр Јәһушафата бәхшишләр вә хәраҹ верирдиләр. Әрәбләр она өз сүрүләриндән 7700 гоч, 7700 кечи ҝәтирирдиләр. 12  Јәһушафат ҝетдикҹә ҝүҹләнирди.+ О, Јәһудада галалар+ вә анбар шәһәрләр+ тикирди. 13  О, Јәһуда шәһәрләриндә бөјүк ишләр ҝөрдү. Јерусәлимдә онун әсҝәрләри вә иҝид дөјүшчүләри вар иди. 14  Нәсилләринә ҝөрә онларын сијаһысы будур: Јәһудадан олан минбашылар, башчы Аднаһ, онунла 300 000 иҝид дөјүшчү.+ 15  Онун башчылығы алтында башчы Јәһукәнан, онунла бирликдә 280 000 дөјүшчү. 16  Һәмчинин Аднаһын башчылығы алтында Јеһоваја ҹан-дилдән хидмәт едән Зәкри оғлу Амасја, онунла 200 000 иҝид дөјүшчү. 17  Бинјаминдән+ иҝид дөјүшчү Әлјада, онунла бирҝә ох-каман вә галханла силаһланмыш 200 000 нәфәр.+ 18  Онун башчылығы алтында Јәһузабад, онунла бирликдә дөјүшә һазыр 180 000 нәфәр. 19  Бунлар падшаһын бүтүн Јәһудадакы гала-шәһәрләрә+ гојдуғу дөјүшчүләрдән әлавә она хидмәт едән дөјүшчүләр иди.

Һашијәләр