Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

2 Падшаһлар 24:1—20

МҮНДӘРИҸАТ

  • Јәһјакимин үсјаны вә өлүмү (1—7)

  • Јәһуда падшаһы Јәһјакин (8, 9)

  • Бабилә сүрҝүн (10—17)

  • Јәһуда падшаһы Сидгијјәнин гијамы (18—20)

24  Јәһјакимин дөврүндә Бабил падшаһы Навуходоносор+ Јәһудаја јүрүш етди. Јәһјаким үч ил она гуллуг етди, амма сонра үсјан етди.  Јеһова онун үстүнә кәлданиләрин+, арамиләрин, муабиләрин, әмуниләрин басгынчы дәстәләрини ҝөндәрди. Јеһова пејғәмбәрләри васитәсилә дедији кими, Јәһуданы дармадағын етмәк үчүн онлары ҝөндәрирди.+  Бүтүн бунлар Јәһуданын башына Јеһованын әмри илә ҝәлирди. Аллаһ онлары өнүндән јох етмәк истәјирди,+ чүнки Мәнәссә чохлу ҝүнаһ етмишди,+  о гәдәр ҝүнаһсыз ган төкмүшдү+ ки, Јерусәлими гана гәрг етмишди. Јеһова буну бағышламаг истәмәди.+  Јәһјакимин галан ишләри, бүтүн етдикләри Јәһуда падшаһларынын тарихи китабында јазылмышдыр.+  Јәһјаким ата-бабаларына говушду.+ Оғлу Јәһјакин онун јеринә тахта чыхды.  Мисир падшаһы бир дә өз өлкәсиндән чыхмады, чүнки Бабил падшаһы Мисир вадисиндән+ Фәрат чајына+ гәдәр Мисир падшаһынын бүтүн торпагларыны тутмушду.+  Јәһјакин+ тахта чыханда он сәккиз јашында иди вә үч ај Јерусәлимдә һакимијјәт сүрдү.+ Онун анасы јерусәлимли Әлнәтанын гызы Нәһушта иди.  Јәһјакин атасы кими, Јеһованын бәјәнмәдији пис ишләр ҝөрдү. 10  Һәмин вахт Бабил падшаһы Навуходоносорун адамлары Јерусәлимә гаршы јүрүш едиб шәһәри мүһасирәјә алдылар.+ 11  Шәһәр мүһасирәдә икән Бабил падшаһы Навуходоносор ора ҝәлди. 12  Јәһуда падшаһы Јәһјакин анасы, әјанлары, әмирләри, сарај мәмурлары+ илә бирликдә Бабил падшаһынын гаршысына чыхды.+ Бабил падшаһы өз һакимијјәтинин сәккизинҹи илиндә ону әсир апарды.+ 13  О, Јеһованын мәбәдинин хәзинәсини вә сарај хәзинәсини ҝөтүрдү.+ Јеһованын дедији кими, Исраил падшаһы Сүлејманын Јеһованын мәбәди үчүн дүзәлтдији бүтүн гызыл әшјалары парча-парча етди.+ 14  Бүтүн Јерусәлим әһлини, әмирләри+, иҝид адамлары, сәнәткарлары, дәмирчиләри* әсир апарды.+ Үмумиликдә 10 000 нәфәр әсир ҝетди. Фағыр-фүгәрадан башга өлкәдә һеч ким галмады.+ 15  Беләҹә, о, Јәһјакини Бабилә әсир апарды.+ Һәмчинин падшаһын анасыны, арвадларыны, сарај мәмурларыны вә өлкәнин ән нүфузлу адамларыны Јерусәлимдән Бабилә сүрҝүн еләди. 16  Бабил падшаһы 7000 дөјүшчүнүн һамысыны, 1000 сәнәткар вә дәмирчини* Бабилә апарды. Онларын һамысы дөјүш тәлими алмыш иҝидләр иди. 17  Бабил падшаһы Јәһјакинин јеринә онун әмиси Мәтәнјаһы+ тахта чыхарды вә адыны дәјишиб Сидгијјә гојду.+ 18  Сидгијјә тахта чыханда ијирми бир јашында иди вә он бир ил Јерусәлимдә һакимијјәт сүрдү. Онун анасы либналы Әрәмјанын гызы Хамутал иди.+ 19  О да Јәһјаким кими, Јеһованын бәјәнмәдији пис ишләр ҝөрдү.+ 20  Јеһова гәзәбләндији үчүн Јерусәлим вә Јәһуданын башына бу ишләр ҝәлирди. Ахырда Аллаһ онлары өнүндән рәдд етди.+ Сидгијјә Бабил падшаһына үсјан етди.+

Һашијәләр

Диҝәр вариант: истеһкам тикәнләри.
Диҝәр вариант: истеһкам тикәни.