Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

2 Падшаһлар 16:1—20

МҮНДӘРИҸАТ

  • Јәһуда падшаһы Әһәз (1—6)

  • Әһәз ашшурлулары пулла әлә алыр (7—9)

  • Әһәз бүтпәрәст гурбанҝаһын сурәтини дүзәлдир (10—18)

  • Әһәзин өлүмү (19—20)

16  Рәмали оғлу Фәганын һакимијјәтинин он једдинҹи илиндә Јәһуда падшаһы Јутәмин оғлу Әһәз+ падшаһ олду.  Әһәз тахта чыханда ијирми јашында иди вә он алты ил Јерусәлимдә һакимијјәт сүрдү. О, әҹдады Давуддан фәргли олараг, Аллаһы Јеһованын бәјәндији ишләри ҝөрмәди,+  Исраил падшаһларынын јолу илә ҝетди,+ һәтта Јеһованын исраиллиләрин өнүндән говдуғу халгларын ијрәнҹ әмәлләрини тәкрарлајараг оғлуну одда јандырды.+  О, сәҹдәҝаһларда+, тәпәләрдә, һәр ҝур јарпаглы ағаҹын алтында гурбан ҝәтириб, гурбан түстүсү тәгдим едирди.+  Һәмин вахт Арам падшаһы Рәсин вә Исраил падшаһы Рәмали оғлу Фәга Јерусәлимә һүҹум етдиләр.+ Онлар Әһәзи мүһасирәјә алдылар, анҹаг шәһәри ала билмәдиләр.  Онда Арам падшаһы Рәсин Елаты Әдума гајтарды+ вә јәһудиләри орадан говду. Әдумиләр Елата ҝириб ораны тутдулар. Бу, индијәдәк беләдир.  Әһәз Ашшур падшаһы Тиглатпаласара+ хәбәр ҝөндәриб деди: «Мән сәнин нөкәрин вә оғлунам. Ҝәл, мәни үстүмә һүҹум едән Арам падшаһы илә Исраил падшаһынын әлиндән гуртар».  Әһәз Јеһованын мәбәдиндә вә сарајын хәзинәсиндә олан гызыл-ҝүмүшү јығыб Ашшур падшаһына һәдијјә ҝөндәрди.+  Ашшур падшаһы онун хаһишини гәбул етди, јүрүш едиб Дәмәшги алды, әһалисини Ҝираһа сүрҝүн етди,+ Рәсини исә өлдүрдү.+ 10  Әһәз падшаһ Ашшур падшаһы Тиглатпаласарла ҝөрүшмәк үчүн Дәмәшгә ҝетди. Әһәз падшаһ Дәмәшгдәки гурбанҝаһы ҝөрүб онун тәсвирини, лајиһәсини вә гурулушуну каһин Урјаһа ҝөндәрди.+ 11  Каһин Урјаһ+ Әһәз падшаһын Дәмәшгдән ҝөндәрдији ҝөстәришләрә әсасән гурбанҝаһ тикди.+ Әһәз падшаһ Дәмәшгдән гајыдана гәдәр гурбанҝаһы тикиб гуртарды. 12  Падшаһ Дәмәшгдән гајыдыб гурбанҝаһы ҝөрдү вә гурбанҝаһа јахынлашыб орада гурбан тәгдим етди.+ 13  О, һәмин гурбанҝаһын үстүндә өз јандырма гурбаныны, тахыл тәгдимәсини јандырыр, шәраб тәгдимәсини төкүр вә үнсијјәт гурбанынын ганыны онун үзәринә чиләјирди. 14  Әһәз Јеһованын һүзурундакы мис гурбанҝаһы+ јериндән, мәбәдин габағындан, өз гурбанҝаһы илә Јеһованын мәбәди арасындан ҝөтүрүб өз гурбанҝаһынын шимал тәрәфинә гојду. 15  Әһәз падшаһ каһин Урјаһа+ деди: «Сәһәр јандырма гурбаныны, ахшам тахыл тәгдимәсини+ бөјүк гурбанҝаһын үстүндә јандыр.+ Падшаһын јандырма гурбаныны вә тахыл тәгдимәсини, һәмчинин халгын јандырма гурбанларыны, тахыл тәгдимәләрини вә шәраб тәгдимәләрини дә орада тәгдим ет. Јандырма гурбанларынын вә башга гурбанларын ганыны онун үстүнә чилә. Мис гурбанҝаһа ҝәлинҹә, бахым ҝөрүм онунла нә едәрәм». 16  Каһин Урјаһ Әһәз падшаһын бујурдуғу кими етди.+ 17  Әһәз падшаһ арабаларын јан лөвһәләрини кәсди,+ тештләри онларын үстүндән ҝөтүрдү.+ Чәни ону сахлајан мис буғаларын үстүндән ҝөтүрүб+ даш сәкинин үстүнә гојду.+ 18  О, Ашшур падшаһынын горхусундан мәбәддә шәнбә ҝүнү үчүн тикилмиш өртүлү јери вә падшаһларын Јеһованын мәбәдинә ҝирдији гапыны ҝөтүрдү. 19  Әһәзин галан ишләри, бүтүн етдикләри Јәһуда падшаһларынын тарихи китабында јазылмышдыр.+ 20  Әһәз ата-бабаларына говушду. Ону Давуд шәһәриндә ата-бабаларынын јанында дәфн етдиләр. Оғлу Һизгијјә*+ онун јеринә тахта чыхды.

Һашијәләр

Мәнасы: Јеһова ҝүҹләндирир.