Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

2 Падшаһлар 1:1—18

МҮНДӘРИҸАТ

  • Илјасын пејғәмбәрлији: Әһәзја өләҹәк (1—18)

1  Әһәбин өлүмүндән сонра Муаб+ Исраилә гаршы үсјан етди.  Һәмин вахт Әһәзја Сәмәријјәдә јухары отағын шәбәкәли пәнҹәрәсиндән јыхылыб јараланды. О, гасидләр ҝөндәриб онлара тапшырды: «Ҝедин, Екрон+ аллаһы Баал-Зәбубдан сорушун ҝөрүн сағалаҹағам?»+  Јеһованын мәләји тишбеһли Илјаса*+ деди: «Дур, Сәмәријјә падшаһынын гасидләринин габағына чых, де: “Мәҝәр Исраилдә Аллаһ јохдур ки, сиз Екрон аллаһы Баал-Зәбуба мүраҹиәт етмәјә ҝедирсиниз?+  Она ҝөрә дә Јеһова белә дејир: “Јатағындан галхмајаҹагсан, өләҹәксән!”» Илјас буну дејиб ҝетди.  Гасидләр ҝери гајыданда падшаһ сорушду: «Нијә гајытдыныз?»  Онлар ҹаваб вердиләр: «Јолда бир нәфәр габағымыза чыхыб деди: “Сизи ҝөндәрән падшаһын јанына гајыдыб она сөјләјин ки, Јеһова белә дејир: “Мәҝәр Исраилдә Аллаһ јохдур ки, сән Екрон аллаһы Баал-Зәбуба мүраҹиәт етмәјә адам ҝөндәрирсән? Буна ҝөрә дә јатағындан галхмајаҹагсан, өләҹәксән!”»+  Онда падшаһ сорушду: «Габағыныза чыхыб бу сөзләри дејән адам һансы гијафәдә иди?»  Онлар дедиләр: «Әјниндә түклү палтар+ вар иди, белинә дәри гуршаг бағламышды».+ Онда падшаһ деди: «О, тишбеһли Илјасдыр».  Падшаһ бир әллибашыны әлли адамы илә онун далынҹа ҝөндәрди. Әллибашы ҝәләндә Илјас дағын тәпәсиндә отурмушду. Әллибашы она деди: «Еј Аллаһ адамы,+ падшаһ әмр едир: “Ашағы дүш!”» 10  Илјас әллибашыја деди: «Јахшы, әҝәр мән Аллаһ адамыјамса, гој ҝөјдән од јағыб+ сәни дә, әлли адамыны да мәһв етсин». Ҝөјдән од јағыб әллибашыны вә јанындакы әлли адамы мәһв етди. 11  Падшаһ башга бир әллибашыны әлли адамы илә онун далынҹа ҝөндәрди. Әллибашы ҝәлиб она деди: «Еј Аллаһ адамы, падшаһ әмр едир: “Тез ашағы дүш!”» 12  Илјас онлара деди: «Инди ки мән Аллаһ адамыјам, гој ҝөјдән од јағыб сәни дә, әлли адамыны да мәһв етсин». Аллаһ ҝөјдән од јағдырыб әллибашыны вә јанындакы әлли адамы мәһв етди. 13  Падшаһ үчүнҹү дәфә бир әллибашыны әлли адамы илә онун далынҹа ҝөндәрди. Әллибашы ҝәлиб Илјасын өнүндә диз чөкдү вә она јалварды: «Еј Аллаһ адамы, мәнә вә бу әлли гулуна јазығын ҝәлсин. 14  Әввәлки ики әллибашыны, онларын һәр биринин әлли адамыны ҝөјдән јаған од мәһв еләди. Мәнә јазығын ҝәлсин». 15  Онда Јеһованын мәләји Илјаса деди: «Горхма, дур онунла ҝет». О галхыб онунла падшаһын јанына ҝетди. 16  Илјас падшаһа деди: «Јеһова белә дејир: “Сән Екрон+ аллаһы Баал-Зәбуба мүраҹиәт етмәк үчүн гасидләр ҝөндәрдин. Мәҝәр Исраилдә Аллаһ јохдур?+ Нијә Она мүраҹиәт етмәдин? Она ҝөрә дә јатағындан галхмајаҹагсан, өләҹәксән”». 17  Јеһованын Илјас васитәсилә дедији кими, Әһәзја өлдү. Оғлу олмадығындан онун јеринә тахта Јәһурам*+ чыхды. Бу, Јәһуда падшаһы Јәһушафат оғлу Јәһурамын һакимијјәтинин икинҹи илиндә баш верди.+ 18  Әһәзјанын+ галан ишләри, бүтүн етдикләри Исраил падшаһларынын тарихи китабында јазылмышдыр.

Һашијәләр

Мәнасы: Аллаһым Јеһовадыр.
Әһәзјанын гардашы.