Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

2 Ишмуил 4:1—12

МҮНДӘРИҸАТ

  • Ишбошетин гәтли (1—8)

  • Давуд гатилләри өлдүртдүрүр (9—12)

4  Талут оғлу Ишбошет+ Абнурун Һәбрунда өлдүјүнү+ ешидәндә голлары сусталды. Бүтүн Исраили горху бүрүдү.  Талутун оғлунун басгынчы дәстәләриндә башчы олан ики адамы вар иди. Онлардан биринин ады Бәәннаһ, диҝәринин ады Рәһаб иди. Онлар Бинјамин гәбиләсиндән бииротлу Риммунун оғуллары идиләр. (Биирот+ Бинјаминин бир һиссәси сајылыр.  Бииротлулар Ҝитаимә+ гачмышдылар вә бу ҝүнәдәк онлар орада гәриб кими јашајырлар.)  Талут оғлу Јонатанын+ бир чолаг оғлу вар иди.+ Јизраилдән+ Талутла Јонатанын гара хәбәри ҝәләндә о, беш јашында иди. Дајәси ону гуҹағына алыб гачмышды. Тәлаш ичиндә гачаркән ушаг әлиндән дүшүб шикәст олмушду. Ушағын ады Мефибошет+ иди.  Бииротлу Риммунун оғуллары Рәһабла Бәәннаһ ҝүнүн гызмар чағында Ишбошетин евинә ҝетдиләр. Ҝүнорта олдуғундан Ишбошет динҹәлирди.  Рәһаб вә гардашы Бәәннаһ+ буғда ҝөтүрмәк адыјла евә ҝириб хәнҹәри онун гарнына сохдулар вә гачыб ҝетдиләр.  Онлар ичәри ҝирәндә Ишбошет јатаг отағында, чарпајыда узанмышды. Ону вуруб өлдүрдүләр, башыны кәсдиләр вә башыны ҝөтүрүб бүтүн ҝеҹәни Әрәбә јолу илә ҝетдиләр.  Ишбошетин+ башыны Һәбрунда Давуда ҝәтириб дедиләр: «Будур, ҹанынын гәсдинә дуран+ дүшмәнин+ Талут оғлу Ишбошетин башы. Бу ҝүн Јеһова Талутдан вә онун өвладларындан һөкмдарымызын гисасыны алды».  Лакин Давуд бииротлу Риммунун оғуллары Рәһабла гардашы Бәәннаһа белә деди: «Ҹанымы бәлалардан гуртаран+ Јеһоваја анд олсун, 10  ҝәлиб мәнә “Талут өлдү” дејән адам,+ елә билирди ки, мәнә муштулуг ҝәтириб. Мән ону Сығлагда өлдүрдүм.+ Гасидин мәндән алдығы мүкафат бу олду. 11  Инди шәр адамлар салеһ инсаны өз евиндә јатдығы јердә өлдүрүбсә, ҝөр онларын агибәти неҹә олаҹаг! Мән онун ганынын гисасыны алыб+ сизи дүнјадан јох едәҹәјәм!» 12  Давуд адамларына онлары өлдүрмәји әмр етди.+ Онлар бу ики нәфәрин әл-ајағыны кәсиб Һәбрундакы чарһовузун јанында асдылар.+ Ишбошетин исә башыны ҝөтүрүб Һәбрунда, Абнурун гәбриндә дәфн етдиләр.

Һашијәләр