Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Тимутијә 6:1—21

МҮНДӘРИҸАТ

  • Гуллар ағаларына һөрмәт етсинләр (1, 2)

  • Сахта мүәллимләр вә пулпәрәстлик (3—10)

  • Аллаһ бәндәси үчүн ҝөстәришләр (11—16)

  • Хејирли ишләрдә зәнҝин олун (17—19)

  • Әманәти гору (20, 21)

6  Гој көләлик бојундуруғу алтында оланлар саһибләринә бөјүк һөрмәтлә+ јанашсынлар ки, Аллаһын ады вә тәлими бәднам едилмәсин.+  Ағалары иманда олан гуллар исә гардашдыр дејә, онлара һөрмәтсиз јанашмасынлар. Әксинә, гој онлар даһа да ҹанла-башла хидмәт етсинләр, ахы онларын јахшы хидмәтиндән јарарлананлар елә өз әзиз иман гардашларыдыр. Бундан сонра да дедијим бу шејләри өјрәт вә нәсиһәт елә.  Әҝәр кимсә башга бир тәлими јајырса вә Ағамыз Иса Мәсиһдән ҝәлән сағлам нәсиһәтә+ вә мөминликлә узлашан тәлимлә разылашмырса,+  демәли, о гүррәләниб, һеч нәји дәрк етмир,+ мүбаһисә вә сөз давасы хәстәлијинә тутулуб.+ Бүтүн бунларын ахыры пахыллыг, мүнагишә, бөһтан, бәдҝүманлыгдыр.  Бунлар әглән позғун+ вә һәгигәтдән мәһрум адамларын бош шеј үстүндә ахыры олмајан мүбаһисәләринә ҝәтириб чыхарыр. Онлар мөминлији газанҹ мәнбәји һесаб едирләр.+  Дүздүр, мөминлик бөјүк газанҹ мәнбәјидир,+ бир шәртлә ки, инсан нәји варса, она гане олсун.  Ахы биз бу дүнјаја һеч нә ҝәтирмәмишик, өзүмүзлә дә һеч нә апармајаҹағыг.+  Буна ҝөрә дә јемәјимиз, палтарымыз* варса, бунлара гане олаҹағыг.+  Анҹаг варланмаг истәјәнләр ширникләниб тәләјә дүшүрләр,+ инсаны фәлакәтә вә мәһвә апаран бир чох мәнасыз вә зәрәрли хәјаллара гапылырлар.+ 10  Чүнки һәр ҹүр пислијин көкү пулпәрәстликдир. Бәзиләри бу севдаја дүшәрәк иман јолундан чыхмыш, өзләринә чохлу әзаб чәкдирмишләр*.+ 11  Сән исә, еј Аллаһ бәндәси, белә шејләрдән гач. Салеһлијә, мөминлијә, имана, мәһәббәтә, мәтинлијә вә мүлајимлијә ҹан ат.+ 12  Иман уғрунда ҝедән шанлы мүбаризәдә шүҹаәтлә дөјүш вә әбәди һәјатдан бәрк јапыш. Сән бу һәјата дәвәт алмысан вә она инандығыны ҝөзәл бир шәкилдә чохларынын гаршысында бәјан етмисән. 13  Понти Пилатын+ гаршысында ҝөзәл шәһадәт вермиш Мәсиһ Исанын вә һәр шејә һәјат верән Аллаһын өнүндә сәнә әмр едирәм: 14  Ағамыз Иса Мәсиһин зүһурунадәк+ сәнә вердијим әмрләрә мүкәммәл вә гүсурсуз шәкилдә риајәт ет. 15  Хошбәхт вә јеҝанә һакимијјәт саһиби тәјин олунмуш вахтда зүһур едәҹәк. О, падшаһлар Падшаһы вә ағалар Ағасыдыр,+ 16  өлмәзлијә јеҝанә малик олан,+ әлчатмаз нурда јашајан,+ инсанлардан һеч кәсин ҝөрмәдији вә ҝөрә билмәдији кәсдир.+ Гој иззәт вә әзәмәт әбәдијјән онун олсун! Амин. 17  Бу дөврдә* варлы оланлара әмр ет ки, тәкәббүрлү олмасынлар вә үмидләрини ҝәлди-ҝедәр вар-дөвләтә јох,+ һәјатдан һәзз алмағымыз үчүн бизи һәр шејлә бол-бол тәмин едән Аллаһа бағласынлар.+ 18  Јахшылыг етсинләр, хејирли ишләрлә зәнҝин олсунлар, сәхавәтли олсунлар, әл тутмаға һазыр олсунлар,+ 19  әсил һәјатдан бәрк-бәрк јапышмагдан өтрү өзләри үчүн саламат галаҹаг хәзинә јығсынлар,+ јәни ҝәләҹәк үчүн мөһкәм тәмәл гојсунлар.+ 20  Еј Тимути, сәнә верилмиш әманәти гору,+ мүгәддәс шејләри мурдарлајан бош сөһбәтләрдән вә сахта биликдән доған зиддијјәтли фикирләрдән узаг дур.+ 21  Бәзиләри белә билији нүмајиш етдирәрәк имандан дөндүләр. Гој Аллаһын лүтфү сизә јар олсун.

Һашијәләр

Јахуд галмаға јеримиз. Һәрфән: өртүјүмуз.
Јахуд өзләрини башдан-ајаға јараламышлар.