Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Салоникилиләрә 1:1—10

МҮНДӘРИҸАТ

  • САЛАМЛАР (1)

  • Булус салоникилиләрин иманына ҝөрә шүкүр едир (2—10)

1  Булус, Силван*+ вә Тимутидән+ Атамыз Аллаһла вә Ағамыз Иса Мәсиһлә вәһдәтдә олан салоникилиләрин јығынҹағына мәктуб. Аллаһдан ҝәлән лүтф вә сүлһ сизә јар олсун!  Һамынызы дуаларымызда јад едиб даима Аллаһа шүкүр едирик.+  Имандан ирәли ҝәлән ишинизи, мәһәббәтлә чәкдијиниз зәһмәти вә Ағамыз Иса Мәсиһә олан үмиддән+ доған дөзүмүнүзү Атамыз Аллаһын гаршысында һәмишә анырыг.  Аллаһын севимлиләри, әзиз гардашлар! Биз билирик ки, сизи Аллаһ сечиб,  ахы тәблиғ етдијимиз мүждә сизә јалныз сөзлә јох, гүдрәтлә, мүгәддәс руһла вә ҝүҹлү әминликлә чатмышды. Аранызда оларкән сизин рифаһыныз үчүн неҹә даврандығымызы өзүнүз дә јахшы билирсиниз.  Сиз бизи вә Ағаны өрнәк тутдунуз,+ чохлу әзијјәтләрә бахмајараг,+ Аллаһын сөзүнү мүгәддәс руһун һасил етдији севинҹлә гәбул етдиниз  вә бунунла Македонија вә Ахајјадакы* бүтүн иманлылара нүмунә олдунуз.  Јеһованын сөзү сизин васитәнизлә тәк Македонијаја вә Ахајјаја чатмајыб, Аллаһа олан иманыныз бүтүн аләмә јајылыб,+ белә ки, бизим нә исә демәјимизә еһтијаҹ јохдур.  Сизинлә илк танышлығымызы вә вар олан тәк бир Аллаһа гуллуг етмәк үчүн бүтләрдән неҹә әл чәкдијинизи+ онларын өзләри данышырлар. 10  Аллаһа тәрәф һәм дә она ҝөрә дөндүнүз ки, Онун дирилтдији Оғлунун, бизи гаршыдан ҝәлән гәзәбдән гуртараҹаг Исанын ҝөјдән+ ҝәлишини ҝөзләјәсиниз.+

Һашијәләр

Диҝәр ады Сила.
Ҹәнуби Јунаныстанда јерләшән Рома әјаләти. Пајтахты Рома шәһәри иди.