Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Салнамәләр 4:1—43

МҮНДӘРИҸАТ

  • Јәһуданын диҝәр өвладлары (1—23)

    • Јабәсин дуасы (9, 10)

  • Шәмун өвладлары (24—43)

4  Јәһуданын оғуллары бунлар иди: Фарәс+, Һәсрун+, Гарми, Хур+ вә Шубал+.  Шубалын оғлу Рәјанын Јаһәс адында, Јаһәсин Ахумај вә Лаһад адында оғлу олду. Бунлар сораһлыларын+ нәсилләри иди.  Етамын+ атасынын* оғуллары бунлар иди: Јизраил, Исма, Идбәс (баҹыларынын ады Һәсләлпәна иди),  Ҹәдурун атасы Фәнуил вә Һушаһын атасы Исәр. Бунлар Әфратын илк оғлу, Бејтләһмин+ атасы Хурун+ оғуллары иди.  Тәгуһун+ атасы Ашһурун+ Һәла вә Нара адында ики арвады вар иди.  Нара она Әһуззәми, Һәфәри, Тәмәни вә Ахаштары доғду. Бунлар Наранын оғуллары иди.  Һәладан доғулан оғуллар бунлар иди: Сәрит, Исһар вә Итан.  Гузун өвладлары бунлар иди: Әнуб, Собба вә Һарум оғлу Әһраилин нәсли.  Јабәс гардашлары ичиндә ән һөрмәтлиси иди. Анасы: «Ону ағры ичиндә доғдум», — дејәрәк адыны Јабәс* гојмушду. 10  Јабәс Исраилин Аллаһыны чағырыб деди: «Нә олар, мәнә хејир-дуа вер, торпағымы ҝенишләндир, мәнә дајаг ол, хата-баладан мәни узаг ет». Аллаһ онун диләјини јеринә јетирди. 11  Шуһаһын гардашы Кәлубун Меһир адында оғлу олду. Меһир Әстунун атасы иди. 12  Әстунун Бејтрәфа, Фасиһ вә Тәһиннаһ адында оғуллары олду. Тәһиннаһ Ир-Наһашын атасы иди. Бунлар рәгаһлылар иди. 13  Гәназын оғуллары Үсниил+ вә Сәрәјаһ иди. Үсниилин Хәтат адында оғлу вар иди. 14  Мәһнутајын Өфра адында оғлу олду. Сәрәјаһын Јуаб адында оғлу олду. Јуаб Ҹәһәршимин* атасы иди. Онлар сәнәткар олдугларындан шәһәр белә адланырды. 15  Јуфәнна оғлу Калибин+ оғуллары бунлар иди: Иру, Илаһ вә Наам. Илаһын Гәназ адында оғлу вар иди. 16  Јәһалилин оғуллары бунлар иди: Зиф, Зифаһ, Тирја вә Әсарил. 17  Әзранын оғуллары бунлар иди: Јатир, Меред, Ифәр вә Јалун. О* һамилә галыб она Мәрјәми, Шаммајы вә Иштиманын атасы Ишбаны доғду. 18  (Онун јәһуди арвады Ҹәдурун атасы Јәрәди, Согонун атасы Һабири вә Зәнаһын атасы Јәгусәили доғду.) Бунлар Мередин арвады фирон гызы Бидијјәнин оғуллары иди. 19  Наһамын баҹысы, Һудјанын арвадынын оғуллары ҝеремли Гәјланын вә мәкати Иштиманын атасы иди. 20  Шәмунун оғуллары бунлар иди: Әмнун, Ринна, Бәнһәнан вә Тилон. Јишинин оғуллары Зөһәт вә Бәнзөһәт иди. 21  Јәһуданын оғлу Салеһин+ өвладлары бунлар иди: Ләҹаһын атасы Әир, Мәрашын атасы Ладаһ, Әшбија нәслиндән зәриф парча тохујан усталарын аиләләри, 22  Југим, кәзбалылар, Јуәш, Сәраф (бунлар муаби арвадлар алмышдылар), Јәшубләһм. Бу мәлумат гәдим јазылардан ҝөтүрүлүб. 23  Онлар Нәтаим вә Ҹәдәрәдә јашајан дулусчулар идиләр, орада јашајыб падшаһ үчүн ишләјирдиләр. 24  Шәмунун+ оғуллары бунлар иди: Нәмуил, Јәмин, Јариб, Зараһ, Шаул.+ 25  Шаулун оғлу Сәллум, Сәллумун оғлу Мибшам, Мибшамын оғлу Мишма иди. 26  Мишманын өвладлары бунлар иди: Һәмуил, онун оғлу Зәггур, онун оғлу Шимај. 27  Шимајын он алты оғлу, алты гызы вар иди; гардашларынынса бу гәдәр оғлу јох иди. Онларын һеч биринин аиләсиндә Јәһуданын оғулларында олдуғу гәдәр оғлан јох иди.+ 28  Онларын јашадығы јерләр бунлар иди: Биир-Сәба+, Молад+, Һазар-Шуал+, 29  Бәлһә, Әзәм+, Толад, 30  Бәтуил+, Һорма+, Сығлаг+, 31  Бејт-Мәрәкбут, Һазар-Сузим+, Бејт-Бири вә Шәраим. Бу шәһәрләр Давудун падшаһлыг етдији вахта гәдәр онларын иди. 32  Онларын јашајыш мәскәнләри бунлар иди: Етам, Ајин, Риммун, Түкән вә Ашан+. Ҹәми беш шәһәр. 33  Онларын бу шәһәрләр әтрафында олан јашајыш мәскәнләри Баала гәдәр узанырды. Бу, онларын нәсил шәҹәрәси вә јашадығы јерләрин адларыдыр. 34  Шәмунун нәсил шәҹәрәсинә бунлар да дахилдир: Мешобаб, Јәмләк, Амисај оғлу Јушәһ, 35  Јуил, Әсаилин нәтиҹәси, Сәрәјаһын нәвәси, Јушибјанын оғлу Јәһу, 36  Илјәнај, Јагубаһ, Јәшуһај, Әсјаһ, Адаил, Јәсмиил, Бәнаји, 37  Зиза (Зиза Шифинин, Шифи Аллунун, Аллун Јадајын, Јадај Шимринин, Шимри Шәмајын оғлу иди). 38  Адлары садаланан бу адамлар нәсил башчылары идиләр; онларын нәсли артыб-чохалмышды. 39  Онлар сүрүләринә отлаг ахтара-ахтара вадинин шәргинә, Ҹәдур шәһәринин ҝиришинә гәдәр ҝәлиб чыхмышдылар. 40  Ахырда ҝөмҝөј отлаглар тапдылар. О дијар ҝениш, сакит вә динҹ јер иди. Әввәлләр орада Һамын+ нәслиндән оланлар јашајырды. 41  Адлары гејдә алынан бу адамлар Јәһуда падшаһы Һизгијјәнин+ дөврүндә ора ҝәлиб орада јашајан һамлыларын вә мәунларын чадырларыны дағытдылар, һамысыны гырыб көкүнү кәсдиләр вә торпагларында мәскунлашдылар, чүнки орада сүрүләри үчүн отлаглар вар иди. 42  Шәмунлулардан 500 нәфәр Јиши оғуллары Фәлатинин, Нәрјанын, Рәфајын вә Үззиилин башчылығы алтында Саир дағына+ ҝедиб 43  сағ галан әмалигәләри+ гырдылар вә орада мәскән салдылар. Онлар бу ҝүнәдәк орада јашајырлар.

Һашијәләр

Бу фәсилдә бәзи адлар инсан јох, јер адларыдыр. Белә һалларда ата сөзү бани мәнасында ишләнир.
Еһтимал ки, Јабәс ады ибрани дилиндә ағры мәнасыны верән сөзлә әлагәлидир.
Мәнасы: сәнәткарлар вадиси.
Ҝөрүнүр, бу, 18-ҹи ајәдә ады чәкилән Бидијјәдир.