Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Салнамәләр 18:1—17

МҮНДӘРИҸАТ

  • Давудун гәләбәләри (1—13)

  • Давудун әјан-әшрәфи (14—17)

18  Бир мүддәт сонра Давуд филиштлиләри мәғлуб едиб онлары өзүнә табе етдирди. Давуд Ҹаты+ вә әтраф шәһәрләри филиштлиләрин әлиндән алды.+  Сонра муабиләри мәғлуб етди.+ Муабиләр Давуда табе олуб она хәраҹ вердиләр.+  Собаһ+ падшаһы Һәдадзәр+ Фәрат чајы бөлҝәсиндә өз һакимијјәтини бәрпа етмәјә ҝедәркән Давуд Һәмәс+ јахынлығында ону мәғлуб етди.+  Давуд онун 1000 арабасыны, 7000 сүварисини вә 20 000 пијада әсҝәрини әсир алды.+ Сонра Давуд 100 гошгу атыны сахлајыб галанларыны шикәст етди.+  Дәмәшг арамиләри Собаһ падшаһы Һәдадзәрә көмәјә ҝәләндә Давуд онларын 22 000 дөјүшчүсүнү гырды.+  Сонра Давуд Дәмәшг Арамына кешикчи дәстәләри јерләшдирди вә арамиләр Давуда табе олуб она хәраҹ вердиләр. Давуд һара ҝедирдисә, Јеһова она гәләбә верирди.+  Бундан әлавә, Давуд Һәдадзәрин хидмәтчиләринин гызыл галханларыны ҝөтүрүб Јерусәлимә апарды.  Давуд Һәдадзәрин Тивһат вә Кун шәһәрләриндән күлли мигдарда мис ҝөтүрдү. Сүлејман бундан мис чән+, сүтунлар вә әшјалар дүзәлтди.+  Һәмәс падшаһы Туј ешитди ки, Давуд Собаһ падшаһы Һәдадзәрин бүтүн ордусуну мәғлуб едиб.+ 10  Давуддан һал-әһвал тутмаг, Һәдадзәрлә дөјүшдә галиб ҝәлмәси мүнасибәтилә ону тәбрик етмәк үчүн дәрһал оғлу Һәдурамы* онун јанына јоллады. (Чүнки Һәдадзәр тез-тез Тујла дөјүшүрдү.) О, Давуда гызылдан, ҝүмүшдән, мисдән бәхшишләр ҝәтирди. 11  Давуд падшаһ бу бәхшишләри диҝәр гызыл вә ҝүмүшлә бирҝә Јеһова үчүн ајырды.+ Бу гызыл-ҝүмүшү башга халглардан: Әдумдан, Муабдан, әмуниләрдән+, филиштлиләрдән+, әмалигәләрдән+ гәнимәт ҝөтүрмүшдү. 12  Сәрја+ оғлу Абшај+ Дуз вадисиндә 18 000 әдумини гырды.+ 13  О, Әдумда кешикчи дәстәләри јерләшдирди. Әдумиләр Давуда гуллуг етмәјә башладылар.+ Давуд һара ҝедирдисә, Јеһова она гәләбә верирди.+ 14  Давуд бүтүн Исраил үзәриндә сәлтәнәт сүрүрдү.+ О, бүтүн халга һагг-әдаләтлә рәһбәрлик едирди.+ 15  Сәрја оғлу Јуаб орду башчысы иди.+ Әхилуд оғлу Јәһушафат+ салнамәчи иди. 16  Әхитуб оғлу Садыг вә Әбјатар оғлу Әхимәлик каһин иди, Шавша исә катиб иди. 17  Јәһјадај оғлу Бәнаји кәритиләрин+ вә фәләслиләрин+ башчысы иди. Давудун оғланлары исә падшаһдан сонра икинҹи адам идиләр.

Һашијәләр

2Иш 8:10 ајәсиндә Јурам.