Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Салнамәләр 14:1—17

МҮНДӘРИҸАТ

  • Давудун тахт-таҹы мөһкәмләнир (1, 2)

  • Давудун аиләси (3—7)

  • Филиштлиләр мәғлуб олур (8—17)

14  Сур падшаһы Һирам+ Давуда гасидләр, һәмчинин сидр ағаҹлары, бәнналар, дүлҝәрләр ҝөндәрди ки, Давуда сарај тиксинләр.+  Давуд баша дүшдү ки, Јеһова онун тахт-таҹыны Исраилдә мөһкәмләндириб,+ халгы Исраил наминә јүксәлдиб.+  Давуд Јерусәлимдә дә арвадлар алды,+ онун башга оғуллары вә гызлары олду.+  Онун Јерусәлимдә доғулан ушаглары бунлардыр:+ Шаму, Шобаб, Натан+, Сүлејман+,  Ибһар, Әлишу, Илфәлит,  Нуға, Нафиг, Јафја,  Әлшама, Бәлјад, Әлфәлит.  Филиштлиләр ешитдиләр ки, Давуд Исраилдә падшаһ олуб.+ Бүтүн филиштлиләр ону ахтармаға чыхдылар.+ Давуд буну ешидәндә онлара һүҹум етди.  Филиштлиләр Рәфајим дәрәсинә басгын етмәјә башладылар.+ 10  Давуд Аллаһдан сорушду: «Филиштлиләрин үстүнә ҝедим? Онлары мәнә тәслим едәҹәксән?» Јеһова Давуда ҹаваб верди: «Ҝет, Мән онлары мүтләг сәнә тәслим едәҹәјәм».+ 11  Давуд Баал-Фарисимә+ ҝәлиб онлары гырды. О деди: «Аллаһ мәним әлимлә дүшмән сәфләрини сел кими јарыб кечди». Буна ҝөрә дә һәмин јери Баал-Фарисим* адландырдылар. 12  Филиштлиләр бүтләрини орада атыб гачмышдылар; Давудун әмри илә онлары јандырдылар.+ 13  Филиштлиләр јенидән дәрәјә басгын етдиләр.+ 14  Давуд јенә Аллаһа мүраҹиәт етди. Аллаһ деди: «Үстләринә гаршыдан ҝетмә, архаларындан доланыб бака колларынын габағында һүҹума кеч.+ 15  Бака колларынын баш тәрәфиндә ајаг сәсләри ешидәндә һүҹума кеч, бил ки, Аллаһ Филишт ордусуну гырмаг үчүн өнүндә ҝедир».+ 16  Давуд Аллаһын бујурдуғу кими етди,+ Ҝибјондан Ҹәзәрә+ гәдәр Филишт ордусуну гырды. 17  Давудун шөһрәти бүтүн өлкәләрә јајылды. Јеһова елә етди ки, бүтүн халглары Давудун вәһми басды.+

Һашијәләр

Мәнасы: јарыгларын ағасы.