Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Салнамәләр 13:1—14

МҮНДӘРИҸАТ

  • Сандыг Кирјат-Јаримдән ҝәтирилир (1—14)

    • Үззаһ өлүр (9, 10)

13  Давуд минбашыларла, јүзбашыларла вә бүтүн башчыларла+ мәсләһәтләшди.  Сонра бүтүн Исраил иҹмасына деди: «Әҝәр сизин ҝөзүнүздә хошдурса вә Аллаһымыз Јеһоваја мәгбулдурса, ҝәлин Исраилин бүтүн бөлҝәләриндәки гардашларымыза, һәмчинин өз шәһәрләриндә* јашајан каһинләрә вә лавилиләрә+ хәбәр ҝөндәрәк ки, ҝәлиб бизә гошулсунлар.  Ҝедиб Аллаһымызын сандығыны ҝәтирәк».+ Онлар Талутун вахтында сандығы јаддан чыхармышдылар.+  Бу фикир һамынын үрәјинҹә олду, бүтүн иҹма бу ишә гол гојду.  Беләҹә, Давуд Кирјат-Јаримдән Аллаһын сандығыны ҝәтирмәк үчүн Мисир чајындан тутмуш Ләбу-Һәмәсәдәк+ бүтүн Исраили топлады.+  Давуд вә бүтүн Исраил Јәһудаја мәхсус олан Баалата+, јәни Кирјат-Јаримә тахтыны кәррублар үзәриндә* гуран Јеһова Аллаһын сандығыны ҝәтирмәјә ҝетди.+ (Халг сандығын өнүндә Аллаһын адыны чағырырды.)  Онлар Аллаһын сандығыны тәзә арабаја гојуб+ Әбунәдәбин евиндән чыхартдылар. Үззаһ вә Әхју арабанын габағында ҝедирди.+  Давуд вә бүтүн Исраил Аллаһын өнүндә бөјүк ҹошгу илә шәнлик едир, чәнҝдә, башга телли аләтләрдә, гавалда+, синҹдә+ вә кәрәнајда чалыб-охујурдулар.+  Ҝәлә-ҝәлә Кидунун хырманына чатдылар. Орада һејванлар аз галмышды сандығы ашырсын. Үззаһ тез әлини узадыб сандығы тутду. 10  Онда Јеһова Үззаһа бәрк гәзәбләнди, әлини сандыға узатдығы үчүн ону вурду.+ О, Аллаһын өнүндә өлдү.+ 11  Давуд Јеһованын Үззаһа гәзәбләндијинә ҝөрә дилхор олду*. Һәмин јер бу ҝүнәдәк Фарәс-Үззаһ* адланыр. 12  О ҝүн Давуд Аллаһдан горхуб деди: «Аллаһын сандығыны јаныма неҹә ҝәтирим?»+ 13  О, сандығы өзүнүн јашадығы јерә, Давуд шәһәринә ҝәтирмәди. Ону ҹатлы Абид-Әдумун евинә ҝөндәрди. 14  Аллаһын сандығы үч ај ҹатлы Абид-Әдумун евиндә галды. Јеһова онун күлфәтинә вә мал-мүлкүнә бәрәкәт верди.+

Һашијәләр

Һәрфән: отлаглары олан шәһәрләриндә.
Диҝәр вариант: арасында.
Јахуд һирсләнди.
Мәнасы: Үззаһын башына төкүлән гәзәб.