Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Салнамәләр 12:1—40

МҮНДӘРИҸАТ

  • Давудун тәрәфдарлары (1—40)

12  Давуд Киш оғлу Талутдан ҝизләнәндә+ Сығлаға+ онун јанына адамлар ҝәлмишди. Онлар дөјүшдә Давуда көмәк едән иҝидләрдән иди.+  Бинјамин гәбиләсиндән, Талутун гардашларындан олан бу адамлар ох-каманла силаһланмышдылар, һәм сағ, һәм дә сол әллә сапандла даш атмағы+ вә ох атмағы баҹарырдылар.+  Онларын башчысы ҝибаһлы+ Шәмманын оғлу Әхјәзәр иди. Онунла бирликдә гардашы Јуәш, Әзмут+ оғуллары Јәзаил вә Фәләт, Бәрәкәт, әнатутлу Јәһу,  отуз иҝиддән+ бири олуб онлара башчылыг едән ҝибјонлу+ Исмаја, һәмчинин Әрәмја, Јаһәзил, Јуһәнна, ҹәдәрәли Јузабад,  Илүзәј, Әримут, Бәлјаһ, Шимрај, харифли Шәфәтај,  Гарунун нәслиндән+ олан Әлгәна, Ишја, Әзарил, Јүзәр, Јәшубәм,  ҹәдурлу Јәраһим оғуллары Јулаһ вә Зәбәдја иди.  Ҹадлылардан бәзиләри сәһрада, галада јашајан Давудун тәрәфинә кечди.+ Онлар дөјүш тәлими ҝөрмүш, бөјүк галханы, низәси һазыр вәзијјәтдә олан, үзү шир үзүнә бәнзәјән, дағлардакы ҹүјүр кими ҹәлд иҝидләр идиләр.  Исәр башчы иди, Әбдија икинҹи, Әлјаб үчүнҹү, 10  Мишманна дөрдүнҹү, Әрәмја бешинҹи, 11  Аттај алтынҹы, Әлиил једдинҹи, 12  Јуһәнна сәккизинҹи, Илзәбад доггузунҹу, 13  Әрәмја онунҹу, Мәһбәннај он биринҹи иди. 14  Бу сәркәрдәләр ҹадлылар+ иди. Онларын ән зәифи јүз нәфәрә, ән ҝүҹлүсү мин нәфәрә дәјәрди.+ 15  Онлар биринҹи ајда, Иордан чајы дашан вахт чајы кечиб дүзләрдә јашајанлары шәргә, гәрбә говмушдулар. 16  Бинјамин вә Јәһудадан да бәзиләри Давудун истеһкамына+ ҝәлмишди. 17  Давуд онларын гаршысына чыхыб демишди: «Әҝәр сиз јаныма хош нијјәтлә, көмәк етмәк мәгсәдилә ҝәлмисинизсә, достларымсыныз, јох әҝәр һеч бир тәгсирим олмаја-олмаја мәни дүшмәнләримә сатмаға ҝәлмисинизсә, гој ата-бабаларымызын Аллаһы буну ҝөрүб һөкм чыхарсын».+ 18  Һәмин вахт отуз нәфәрин башчысы Әмәсајын үзәринә Аллаһын руһу енди+ вә о деди: «Еј Давуд, биз сәниник, еј Јәссә оғлу, биз сәнинләјик,+ Салам, салам олсун сәнә, һәм дә сәнә көмәк едәнә,Чүнки сәнә көмәк едән Аллаһындыр».+ Давуд онлары гәбул едиб гошунларынын башчысы тәјин етди. 19  Давуд филиштлиләрлә бирликдә Талутла дөјүшмәјә ҝедәндә Мәнәссәдән дә бәзиләри Давудун тәрәфинә кечмишди. Амма о, филиштлиләрә көмәк етмәмишди, чүнки Филишт һакимләри+ мәсләһәтләшиб: «Давуд ағасы Талутун тәрәфинә кечәҹәк, бу да бизә һәјатымыз баһасына баша ҝәләҹәк», — дејәрәк ону ҝери ҝөндәрмишдиләр.+ 20  Давуд Сығлаға+ гајыданда Мәнәссәдән бу адамлар онун тәрәфинә кечмишди: Аднах, Јузабад, Јәдаил, Микајыл, Јузабад, Әлиһу, Силтај. Бунлар Мәнәссә гәбиләсинин минбашылары иди.+ 21  Онлар Давуда басгынчы дәстәсилә вурушмаға көмәк етмишдиләр, чүнки һамысы иҝид, ҹәсур адамлар иди.+ Сонра онлар сәркәрдә олдулар. 22  Һәр ҝүн Давуда көмәк етмәјә адамлар ҝәлирди.+ Ахырда онлардан Аллаһын ордусу кими, бөјүк бир орду јаранды.+ 23  Јеһованын әмринә әсасән, Талутун падшаһлығыны Давуда вермәк үчүн Һәбруна+, онун јанына ҝәлән силаһланмыш дөјүшчүләрин сајы будур:+ 24  јәһудалылардан бөјүк галхан вә низә дашыјан, силаһланмыш 6800 нәфәр; 25  шәмунлулардан 7100 иҝид, ҹәсур дөјүшчү. 26  Лавилиләрдән 4600 нәфәр. 27  Јәһјадај+ Һарун оғулларынын башчысы иди.+ Онунла 3700 нәфәр вар иди. 28  Иҝид, ҹәсур ҝәнҹ Садыг+ да өз нәслиндән 22 башчы илә бирликдә ҝәлмишди. 29  Бинјаминлиләрдән, Талутун гардашларындан+ 3000 нәфәр. Онларын бөјүк әксәријјәти вахтилә Талут евинә садиг иди. 30  Әфраимлиләрдән өз нәслиндә танынмыш, иҝид, ҹәсур 20 800 нәфәр. 31  Мәнәссә гәбиләсинин јарысындан Давуду падшаһ етмәк үчүн ора ҝәлмәјә тәјин олунан 18 000 нәфәр. 32  Јәсакир гәбиләсиндән Исраилин нә вахт нә етмәли олдуғуну биләнләр — 200 башчы. Бүтүн гардашлары онларын табелијиндә иди. 33  Зәбулундан дөјүшә габил, дөјүш силаһлары илә сәфләрдә дүзүлән вә сидги-үрәкдән Давуда гошулан 50 000 нәфәр. 34  Нифталыдан 1000 башчы вә онларла бирликдә бөјүк галхан вә низә тутан 37 000 нәфәр. 35  Данлылардан дөјүш низамы илә дүзүлән 28 600 нәфәр. 36  Аширдән дөјүшә габил, дөјүш низамы илә дүзүлән 40 000 нәфәр. 37  Иорданын о тајындан+ олан рубәнлиләрдән, ҹадлылардан вә Мәнәссә гәбиләсинин јарысындан һәр ҹүр силаһла силаһланан 120 000 дөјүшчү. 38  Онларын һамысы дөјүшә һазыр, сәф гуруб дүзүлән дөјүшчүләр иди. Онлар сидги-үрәкдән Давуду бүтүн Исраилин падшаһы етмәк истәјәрәк Һәбруна ҝәлмишдиләр. Һәмчинин галан исраиллиләр дә Давуду падшаһ етмәкдә јекдил идиләр.+ 39  Онлар үч ҝүн орада Давудла галдылар, јејиб-ичдиләр. Сојдашлары* онлар үчүн һазырлыг ҝөрмүшдү. 40  Һәм јахында, һәм дә узагда, Јәсакир, Зәбулун, Нифталы торпагларында јашајанлар улагларын, дәвәләрин, гатырларын, өкүзләрин белиндә ун, әнҹир лавашанасы, кишмиш лавашанасы, шәраб, јағ, чохлу мал-гара, гојун-гузу ҝәтирмишдиләр. Чүнки бүтүн Исраил севинҹ ичиндә иди.

Һашијәләр

Һәрфән: гардашлары.