Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Коринфлиләрә 6:1—20

МҮНДӘРИҸАТ

  • Мәсиһи гардашлар арасында чәкишмәләр (1—8)

  • Аллаһын Падшаһлығына ҝирмәјәҹәк адамлар (9—11)

  • Бәдәнинизлә Аллаһы шәрәфләндирин (12—20)

    • Әхлагсызлыгдан гачын (18)

6  Аранызда биринин диҝәри илә чәкишмәси оланда+ о, мүгәддәсләрин јанына ҝетмәк әвәзинә, неҹә ҹүрәт едиб мәһкәмәјә, имансызларын јанына ҝедир?  Мәҝәр билмирсиниз ки, дүнјаны мүгәддәсләр мүһакимә едәҹәкләр?+ Сиз дүнјаны мүһакимә едәҹәксиниз, анҹаг хырда ишләрин габағында аҹизсиниз?  Мәҝәр билмирсиниз ки, биз мәләкләри мүһакимә едәҹәјик?+ Елә исә, онда нәјә ҝөрә бу һәјата аид мәсәләләри өзүмүз һәлл етмәјәк?  Анҹаг әҝәр һәлл едиләси ишләриниз варса,+ нәјә ҝөрә јығынҹағын бәјәнмәдији адамлары һаким сечирсиниз?  Бунлары сизи утандырмаг үчүн дејирәм. Мәҝәр гардашлар арасында һакимлик етмәк үчүн аранызда бирҹә нәфәр дә һикмәтли адам јохдур?  Анҹаг иш ҝөр нә јерә чатыб ки, гардаш гардашы мәһкәмәјә чәкиб апарыр, өзү дә имансызларын габағына!  Әслиндә, бир-биринизлә чәкишмәјиниз артыг сизин мәғлубијјәтиниз демәкдир. Чәкишмәкдәнсә, нијә дә һагсызлыға гатлашмајасыныз?+ Сизә фырылдаг ҝәлсәләр дә, нәјә ҝөрә буна дөзмәјәсиниз?  Сиз исә һагсызлыг едирсиниз, фырылдаг ҝәлирсиниз, өзү дә кимә, гардашларыныза!  Мәҝәр билмирсиниз ки, салеһ олмајанлар Аллаһын Падшаһлығына ҝирмәјәҹәкләр?+ Алданмајын. Нә әхлагсызлар*,+ нә бүтпәрәстләр,+ нә зинакарлар,+ нә киши фаһишәләр*,+ нә кишибазлар,+ 10  нә оғрулар, нә тамаһкарлар,+ нә ички дүшкүнләри,+ нә тәһгирамиз данышанлар, нә дә сојғунчулар Аллаһын Падшаһлығына ҝирмәјәҹәкләр.+ 11  Сизләрдән дә бәзиләри белә иди. Анҹаг сиз Аллаһымызын руһу илә вә Ағамыз Иса Мәсиһин ады илә јујулуб тәмизләндиниз,+ мүгәддәс едилдиниз,+ салеһ сајылдыныз.+ 12  Һәр шеји етмәјә һаггым вар, анҹаг һәр шеј фајдалы дејил.+ Һәр шеји етмәјә һаггым вар, анҹаг нәјинсә мәни идарә етмәсинә јол вермәрәм. 13  Јемәк гарын үчүн, гарын да јемәк үчүндүр, лакин Аллаһ онларын һәр икисини јох едәҹәк.+ Бәдән дә әхлагсызлыг үчүн јох, Ағамыз үчүндүр,+ Ағамыз да бәдән үчүндүр. 14  Аллаһ Өз ҝүҹү+ илә Ағамызы дирилтдији+ кими, бизи дә дирилдәҹәк.+ 15  Мәҝәр билмирсиниз ки, һәр биринизин бәдәни Мәсиһин бәдәнинин үзвүдүр?+ Белә исә, Мәсиһин бәдәнинин үзвүнү ҝөтүрүб фаһишәнин бәдәнинә ҹаламаг һеч мәнә јарашар? Ираг олсун! 16  Јохса билмирсиниз ки, фаһишә илә јахынлыг едән онунла бир бәдән олур? Ахы Аллаһ белә дејир: «Икиси бир бәдән олаҹаг».+ 17  Ағамызла бирләшән исә онунла бир вәһдәт тәшкил едир*.+ 18  Әхлагсызлыгдан гачын.+ Ишләнән диҝәр ҝүнаһлар бәдәндән хариҹдә ишләнир, лакин әхлагсызлыгла мәшғул олан өз бәдәнинә гаршы ҝүнаһ ишләјир.+ 19  Мәҝәр билмирсиниз ки, сизин бәдәниниз Аллаһдан ҝәлән+ вә сиздә олан мүгәддәс руһ үчүн бир мәбәддир?+ Сиз өзүнүзә мәхсус дејилсиниз,+ 20  чүнки баһа гијмәтә алынмысыныз.+ Буна ҝөрә дә бәдәнинизлә+ Аллаһы шәрәфләндирин.+

Һашијәләр

Јахуд гејри-тәбии ҹинси әлагә үчүн истифадә едилән кишиләр.
Һәрфән: бир руһ олур. Руһ бурада Аға илә һәмфикир олмаг мәнасында ишләдилиб.