Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Коринфлиләрә 5:1—13

МҮНДӘРИҸАТ

  • Јығынҹагда әхлагсызлыға јол верилир (1—5)

  • Азаҹыг маја бүтүн хәмири аҹыдыр (6—8)

  • Пис адамы араныздан јох един (9—13)

5  Мәнә хәбәр чатыб ки, сиздә әхлагсызлыға*+ јол верилир, өзү дә елә бир әхлагсызлыға ки, беләси һеч имансызларын арасында да јохдур. Араныздан бир нәфәр атасынын арвады илә јашајыр.+  Сиз исә хәҹаләт чәкмәк+ вә белә иш ҝөрәни араныздан кәнар етмәк әвәзинә һәлә бир дуруб өјүнүрсүнүз?+  Мән јанынызда олмасам да, үрәјим сизинләдир вә јаныныздајаммыш кими бу иши ҝөрән адама артыг һөкм кәсмишәм.  Сиз Ағамыз Исанын ады илә бир јерә јығышанда мәним руһән вә Ағамыз Исанын ҝүҹү илә аранызда олдуғуму биләрәк  һәмин адамы Шејтана тәслим един+ ки, ҹисмани тәсир мәһв едилсин* вә Ағанын ҝүнүндә јығынҹағын руһу горунуб сахланылсын.+  Өјүнмәјиниз јахшы дејил. Мәҝәр билмирсиниз ки, азаҹыг маја бүтүн хәмири аҹыдыр?+  Јени хәмир олмаг үчүн көһнә мајадан тәмизләнин. Ахы Пасха гузумуз Мәсиһ+ артыг гурбан верилдији үчүн сиз мајасызсыныз.+  Буна ҝөрә дә ҝәлин көһнә маја, јахуд пислик вә јаманлыг мајасы илә јох, мајасыз сәмимијјәт вә һәгигәт чөрәкләри илә бајрам едәк.+  Мән сизә јазмышдым ки, даһа әхлагсызларла отуруб-дурмајасыныз. 10  Мән дүнјадакы+ бүтүн әхлагсызлары, јахуд аҹҝөзләри, сојғунчулары вә ја бүтпәрәстләри нәзәрдә тутмурдум, јохса дүнјадан чыхыб-ҝетмәли олардыныз.+ 11  Инди исә сизә јазырам ки, өзүнү гардаш адландырыб әхлагсызлыг едән, аҹҝөз,+ бүтпәрәст, ички дүшкүнү олан,+ тәһгирамиз данышан вә ја сојғунчулуг едәнлә+ даһа отуруб-дурмајасыныз*,+ беләси илә һәтта бир сүфрәјә дә әјләшмәјәсиниз. 12  Јығынҹагдан кәнарда оланлары мүһакимә етмәк мәним ишим дејил. Сиз јығынҹагдакылары мүһакимә един, 13  кәнар адамлары исә Аллаһ мүһакимә едир.+ Беләликлә, «пис адамы араныздан јох един».+

Һашијәләр

Јахуд пис тәсир јох едилсин.
Јахуд мүнасибәти кәсәсиниз.