Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Коринфлиләрә 2:1—16

МҮНДӘРИҸАТ

  • Булусун Коринфдәки тәблиғи (1—5)

  • Аллаһын һикмәтинин үстүнлүјү (6—10)

  • Руһани вә ҹисмани дүшүнҹәли инсан (11—16)

2  Гардашлар, мән јаныныза ҝәлиб Аллаһын мүгәддәс сиррини+ тәблиғ едәндә сизи өз мүдриклијим вә алиманә сөзләримлә+ валеһ етмәк мәгсәди ҝүдмүрдүм.  Белә гәрара алмышдым ки, сизин диггәтинизи јалныз Иса Мәсиһә, өзү дә дирәкдә едам едилмиш Иса Мәсиһә јөнәлдим.+  Мән јаныныза ҝәләндә ҝүҹсүз идим, үрәјими горху вә ҝүҹлү һәјәҹан бүрүмүшдү.  Сөзләрим вә тәблиғ етдијим шејләр һикмәтли вә инандырыҹы сөзләрдән ибарәт дејилди. Онлар Аллаһын руһунун ҝүҹүнү ҝөстәрирди.+  Белә ки, иманыныз инсан мүдриклији әсасында јох, Аллаһын ҝүҹү әсасында гурулсун.  Биз һикмәт барәсиндә јеткин адамларын арасында данышырыг,+ өзү дә бу дөврүн вә онун рәһбәрләринин һикмәтиндән данышмырыг, чүнки онларын сону јахындыр.+  Биз мүгәддәс сирдән,+ јәни Аллаһын ҝизли һикмәтиндән бәһс едирик. Бу һикмәти Аллаһ лап әзәлдән бизим шәрәфә чатмағымыз үчүн мүәјјән едиб.  Бу дөврүн рәһбәрләриндән һеч кәс бу һикмәти анламады,+ әҝәр анласајдылар, шанлы Ағаны едам етмәздиләр.  Мүгәддәс Јазылар дејир: «Аллаһын Ону севән бәндәләри үчүн һазырладығы шејләри нә ҝөз ҝөрүб, нә гулаг ешидиб, нә дә онлар кимсәнин хәјалына ҝәлиб».+ 10  Аллаһ Өз руһу илә бунлары бизә ачыб,+ чүнки Онун руһу+ һәр шеји, Аллаһын дәрин сирләрини белә тәдгиг едир.+ 11  Инсанын үрәјиндәкиләри өзүндән башга ким билир? Аллаһын фикирләрини дә Онун руһундан башга һеч ким билмир. 12  Биз дүнјанын руһуну јох, Аллаһдан ҝәлән руһу+ алдыг ки, Аллаһын бизә бәхш етдији шејләри анлаја биләк. 13  Биз дә бунлар барәсиндә инсан мүдриклијинин дејил,+ руһун өјрәтдији сөзләрлә данышырыг,+ руһани мәсәләләри руһани сөзләрлә изаһ едирик. 14  Ҹисмани дүшүнҹәли инсан Аллаһын руһуна аид шејләри гәбул етмир, чүнки онун үчүн бунлар ағылсызлыгдыр. О, бунлары баша дүшмүр, чүнки бунлары руһун көмәји илә тәдгиг етмәк ҝәрәкдир. 15  Амма руһани дүшүнҹәли инсан һәр шеји тәдгиг едир,+ онун өзүнү исә һеч кәс баша дүшмүр. 16  «Ким Јеһованын әглини дәрк едиб ки, Она јол ҝөстәрсин?»+ Амма биз Мәсиһин дүшүнҹәсинә саһибик.+

Һашијәләр