Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Коринфлиләрә 13:1—13

МҮНДӘРИҸАТ

  • Мәһәббәт — мүкәммәл јол (1—13)

13  Әҝәр мән инсанларын вә мәләкләрин дилиндә данышырамса, амма мәһәббәтим јохдурса, онда дангылдајан мис аләтдән, ҹинҝилдәјән синҹдән һеч нә илә фәргләнмирәм.  Әҝәр пејғәмбәрлик әнамым варса, бүтүн мүгәддәс сирләрә вә биликләрә јијәләнмишәмсә,+ дағлары јериндән тәрпәдәҹәк дәрәҹәдә ҝүҹлү иман саһибијәмсә, лакин мәһәббәтим јохдурса, мән һеч нәјәм.+  Әҝәр инсанлары једиртмәк үчүн бүтүн варымы,+ јохуму пајласам, өјүнмәк үчүн һәјатымы фәда етсәм, амма мәһәббәтим олмаса,+ бундан мәнә нә фајда?  Мәһәббәт+ сәбирли+ вә хејирхаһдыр +. Мәһәббәт пахыл*+ дејил, ловғаланмыр, гүррәләнмир+,  налајиг давранмыр*,+ өз хејрини ҝүдмүр,+ тез өзүндән чыхмыр,+ она едилән пислијин һесабыны тутмур.+  Һагсызлыға севинмир,+ әксинә, һәгигәтә шадланыр.  Һәр шејә гатлашыр,+ һәр шејә инаныр,+ һәр шејә үмид едир,+ һәр шејә дөзүр.+  Мәһәббәт һеч вахт түкәнмир *. Пејғәмбәрлик әнамы сона јетәҹәк, әҹнәби дилләрдә данышмаг әнамы гуртараҹаг, мөҹүзәви јолла билик алмаг әнамы да арадан галхаҹаг.  Инди билијимиз + мәһдуд вә етдијимиз пејғәмбәрлик натамамдыр. 10  Анҹаг тамлыг ҝәләндә натамамлыг арадан галхаҹаг. 11  Мән ушаг оланда ушаг кими данышыр, һәр шеји ушаг кими баша дүшүр, ушаг кими дүшүнүрдүм. Инди исә бөјүјүб киши олмушам, ушаға хас ҹәһәтләри гыраға гојмушам. 12  Чүнки һал-һазырда биз, санки, метал ҝүзҝүјә бахыб орада думанлы сурәтләр ҝөрүрүк, амма о вахт һәр шеји үз-үзә ҝөрүрмүш кими, ајдын ҝөрәҹәјик. Инди мән гисмән билирәм, анҹаг онда Аллаһ мәни там таныдығы кими, мән дә һәр шеји дәгигликлә биләҹәјәм. 13  Бу үч шеј исә галаҹаг: иман, үмид вә мәһәббәт. Анҹаг мәһәббәт бунларын һамысындан үстүндүр.+

Һашијәләр

Һәрфән: гысганҹ.
Јахуд кобуд давранмыр.
Јахуд мүвәффәгијјәтсизлијә уғрамыр.