Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Ишмуил 27:1—12

МҮНДӘРИҸАТ

  • Филиштлиләр Сығлағы Давуда верир (1—12)

27  Давуд өз-өзүнә деди: «Бир ҝүн Талутун әлиндә өләҹәјәм. Јахшысы будур, Филишт мәмләкәтинә гачым+. Онда Талут мәни Исраилдә ахтармагдан+ безәр, мәним дә ҹаным онун әлиндән гуртулар».  Давуд алты јүз адамы илә+ галхыб Ҹат падшаһы Мәуһ оғлу Ахышын јанына ҝетди.+  Онун адамлары да өз күлфәтләрилә бәрабәр Ҹатда, Ахышын јанында галды. Давудун һәр ики арвады, јизраилли Аһнаам+ вә Набалын дул галмыш арвады кармелли Абигајил+ онунла иди.  Давудун Ҹата гачдығыны Талута хәбәр вердиләр. Талут даһа ону ахтармады.+  Давуд Ахыша деди: «Әҝәр ҝөзүндә лүтф тапмышамса, гој мәнә кичик шәһәрләрдән бириндә јер версинләр, орада јашајым. Нәјә ҝөрә бу гулун падшаһ шәһәриндә сәнинлә бирҝә јашасын?»  Һәмин ҝүн Ахыш она Сығлағы+ верди. Буна ҝөрә дә Сығлаг индијәдәк Јәһуда падшаһларына мәхсусдур.  Давуд филиштлиләрин мәмләкәтиндә бир ил дөрд ај галды.+  Давуд адамлары илә гәшуриләрә+, ҝизриләрә, әмалигәләрә+ басгынлар едирди. Онлар Тәламдан тутмуш Шура+ вә ашағыда Мисирә гәдәр олан әразиләрдә јашајырдылар.  Давуд һүҹум етдији јерләрдә һеч кими — нә кишиләри, нә дә гадынлары сағ бурахмырды.+ Лакин гојунлары, маллары, ешшәкләри, дәвәләри вә пал-палтары ҝөтүрүр, сонра Ахышын јанына гајыдырды. 10  Ахыш: «Бу ҝүн һара басгын етмишдиниз?» — дејә сорушанда Давуд ҝаһ «Јәһудадан+ ҹәнуба», ҝаһ «јарәһмиилләрдән+ ҹәнуба», ҝаһ да «гәниләрдән+ ҹәнуба» дејирди. 11  Давуд һеч бир кишини, гадыны сағ сахламырды, истәмирди ки, онлары Ҹата ҝәтирсинләр. О дејирди: «Гој “Давуд белә-белә етди” дејиб бизи әлә вермәсинләр». (Филиштлиләрин мәмләкәтиндә јашадығы бүтүн вахт әрзиндә о, белә едирди.) 12  Беләҹә, Давуд Ахышын етибарыны газанды. Ахыш өз-өзүнә дејирди: «Давуд өз халгы Исраилин нифрәтини газаныб, даһа һәмишәлик мәним гуллуғумда дураҹаг».

Һашијәләр