Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Ишмуил 11:1—15

МҮНДӘРИҸАТ

  • Талут әмуниләри мәғлуб едир (1—11)

  • Талут јенидән падшаһ елан едилир (12—15)

11  Әмуни+ Наһаш ҝәлиб Ҝиладдакы Јабеш+ гаршысында дүшәрҝә гурду. Бүтүн јабешлиләр Наһаша: «Бизимлә сазиш бағла, биз сәнә гуллуг едәрик», — дедиләр.  Әмуни Наһаш онлара деди: «Бир шәртим вар. Һамынызын сағ ҝөзүнү ојуб чыхараҹағам. Гој Исраил рүсвај олсун».  Јабеш ағсаггаллары она ҹаваб вердиләр: «Бизә једди ҝүн мөһләт вер. Гој Исраилин һәр јеринә гасидләр ҝөндәрәк. Әҝәр дадымыза чатан олмаса, онда сәнә тәслим оларыг».  Гасидләр Талутун јашадығы Ҝибаһа+ ҝәлдиләр вә бу сөзләри халга сөјләдиләр. Халг фәрјад гопарыб ағламаға башлады.  Талут нахырын архасында отлагдан ҝәлирди. О сорушду: «Ҹамаата нә олуб? Нијә һамы ағлашыр?» Јабешлиләрин сөзләрини она чатдырдылар.  Буну ешидәндә Јеһованын руһу онун үзәринә енди.+ Талут бәрк гәзәбләнди.  Ики буға ҝөтүрүб онлары тикә-тикә доғрады вә гасидләрә вериб Исраилин һәр јеринә ҝөндәрди. Гасидләр һәр јердә ҹар чәкдиләр: «Ким Талутла Ишмуилин ардынҹа ҝетмәсә, онун мал-гарасы бу көкә салынаҹаг!» Халгы Јеһованын вәһми бүрүдү. Һамы бир нәфәр кими дуруб ҝәлди.  Талут Бәзәгдә онлары сајды. Орада 300 000 исраилли, 30 000 јәһудалы вар иди.  Онлар гасидләрә дедиләр: «Ҝиладдакы јабешлиләрә белә дејин: “Сабаһ ҝүнәш гызан вахт сиз хилас олаҹагсыныз”». Гасидләр ҝедиб бу хәбәри јабешлиләрә чатдырдылар. Онлар чох севиндиләр. 10  Јабешлиләр Наһаша дедиләр: «Сабаһ биз сизә тәслим олаҹағыг. Онда нә истәсәниз, бизимлә едәрсиниз».+ 11  Ертәси ҝүн Талут адамларыны үч һиссәјә бөлдү. Онлар сәһәр нөвбәси* вахты дүшәрҝәнин ортасына ҝирдиләр вә ҝүнәш гызана гәдәр әмуниләри гырдылар.+ Сағ галанларын һәрәси бир тәрәфә сәпәләнди. Белә ки, ики нәфәри бир јердә ҝөрмәк олмурду. 12  Онда халг Ишмуилә деди: «“Талут бизә падшаһ олаҹаг?” дејән ким иди?+ Онлары верин өлдүрәк». 13  Амма Талут деди: «Бу ҝүн һеч ким өлмәјәҹәк.+ Бу ҝүн Јеһова Исраилә гуртулуш вериб». 14  Бир гәдәр сонра Ишмуил халга деди: «Ҝәлин Ҝилгала+ ҝедәк. Талуту јенидән падшаһ елан едәк».+ 15  Бүтүн халг Ҝилгала ҝетди. Орада Јеһованын һүзурунда Талуту падшаһ етдиләр. Сонра Јеһованын һүзурунда үнсијјәт гурбанлары тәгдим олунду.+ Талут вә бүтүн Исраил халгы бөјүк севинҹ ичиндә бајрам етди.+

Һашијәләр

Ибраниләр ҝеҹәни үч «нөвбә»јә бөлүрдү. Ахырынҹы нөвбә олан сәһәр нөвбәси ҝеҹә саат икидән сәһәр саат алтыјадәк давам едирди.