Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Бутрус 5:1—14

МҮНДӘРИҸАТ

  • Аллаһын сүрүсүнү отарын (1—4)

  • Тәвазөкар вә ајыг-сајыг олун (5—11)

    • Бүтүн гајғыларынызы Аллаһын үзәринә гојун (7)

    • Иблис нәрилдәјән шир кими ҝәзир (8)

  • Јекун сөзләр (12—14)

5  Мән бир ағсаггал, Мәсиһин әзабларынын шаһиди вә бәлли олаҹаг шөһрәтә шәрик олан адам кими+ араныздакы ағсаггаллардан риҹа едирәм:  Аллаһын сизә әманәт етдији сүрүнү отарыб+ она нәзарәт един. Буну зорла јох, Аллаһ гаршысында көнүл хошлуғу илә,+ һагсыз газанҹ һәрислијиндән јох,+ ҹанла-башла един.  Аллаһын әманәти үзәриндә ағалыг етмәјин,+ әксинә, сүрүјә нүмунә олун.+  Баш чобан+ зүһур едәндә сизә солмаз шөһрәт чәләнҝи вериләҹәк.+  Сиз, еј ҹаванлар, ағсаггаллара табе олун.+ Һамыныз бир-биринизлә мүнасибәтдә тәвазөкар олун*, чүнки Аллаһ мәғрурлара гаршы чыхыр, тәвазөкарлара исә лүтф ҝөстәрир.+  Беләликлә, Аллаһын гүдрәтли әли алтында тәвазөкар олун. Вахты ҝәләндә О, сизи уҹалдаҹаг.+  Бүтүн гајғыларынызы Онун үзәринә гојун,+ чүнки О, гајғынызы чәкир.+  Ајыг дурун, сәрвахт олун.+ Дүшмәниниз Иблис нәрилдәјән шир кими ҝәзиб удмаға адам ахтарыр.+  Ҝүҹлү иманла она мүгавимәт ҝөстәрин+ вә билин ки, дүнјадакы бүтүн гардашларыныз да ејни әзаблара гатлашырлар.+ 10  Сизи Мәсиһлә вәһдәтдә әбәди ҹалалына чағыран,+ сонсуз лүтф саһиби Аллаһ, сиз гыса мүддәт әзаб чәкдикдән сонра тәлиминизи баша чатдыраҹаг, сизи ҝүҹлү+, мәтин+, сарсылмаз едәҹәк. 11  Гүдрәт әбәдијјәт боју Онун олсун! Амин. 12  Бу бир нечә кәлмәни сәдагәтли сајдығым гардашымыз Силван*+ васитәсилә јаздым ки, сизи руһландырым вә Аллаһын бу әсил лүтфү барәсиндә үрәкдән шәһадәт верим. Бу лүтфү һеч вахт итирмәјин. 13  Сизин кими сечилмишләрдән олан Бабилдәки ханым* вә оғлум Марк+ сизә салам ҝөндәрирләр. 14  Бир-биринизи гардашлыг мәһәббәти илә өпүб саламлајын. Еј Мәсиһлә вәһдәтдә оланлар, һамыныза сүлһ јар олсун!

Һашијәләр

Һәрфән: тәвазөкарлыға бүрүнүн.
Диҝәр ады Сила.
Јунан мәтниндә ишләнмиш шәхс әвәзлији гадын ҹинсиндәдир вә чох ҝүман ки, Бабилдәки јығынҹағы тәмсил едир.