Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әјјуб 36:1—33

МҮНДӘРИҸАТ

  • Әлиһу Аллаһын ағласығмаз бөјүклүјүндән данышыр (1—33)

    • Итаәткар адамлар фираван јашајыр; Аллаһсызлар рәдд едилир (11—13)

    • Аллаһ кими нәсиһәтчи вармы? (22)

    • Әјјуб Аллаһы уҹалтмалыдыр (24)

    • Аллаһын бөјүклүјү ағласығмаздыр (26)

    • Аллаһ јағыш вә илдырымын ағасыдыр (27—33)

36  Әлиһу сөзүнә давам етди:   «Бир аз сәбир елә, мән сәнә изаһ едәҹәјәм,Аллаһын леһинә дејиләси сөзүм вар.   Билдијим шејләри әтрафлы сөјләјәҹәјәм,Јараданымын адил олдуғуну бәјан едәҹәјәм,+   Сөзләримдә гәтијјән јалан јохдур.Бах, камил билик Саһиби+ өнүндәдир.   Аллаһ гүдрәтлидир,+ һеч кими рәдд етмәз,Һикмәти дәриндир.   Шәр адамы јашатмаз,+Мәзлума исә әдаләт бәхш едәр.+   Салеһләрдән ҝөзүнү чәкмәз,+Падшаһларла бирҝә тахта чыхарар*,+ онлары әбәдилик јүксәлдәр.   Әҝәр онлар буховлансалар,Бәдбәхтлик ипләри онлары сарыса,   Онлара әмәлләрини,Тәкәббүрләриндән доған асиликләрини билдирәр. 10  Онларын гулагларыны өјүдләринә сары ачар,Онлары пис јолдан дөнмәјә сәсләјәр.+ 11  Әҝәр Она гулаг асыб гуллуг едәрләрсә,Өмрүнүн ҝүнләрини фираванлыг ичиндә баша вурарлар,Илләри шад-хүррәм кечәр.+ 12  Јох әҝәр гулаг асмасалар, гылынҹа туш ҝәләрләр,+Ҹәһаләт ичиндә өлүб ҝедәрләр. 13  Аллаһсызлар үрәјиндә кин сахлајар. Аллаһ онлары буховлајанда имдад диләмәзләр. 14  Онлар ҹаван икән өлүрләр,+Өмүрләри мәбәд фаһишәләри*+ арасында кечир*. 15  Мәзлуму исә Аллаһ дардан гуртарыр,Зүлм-зилләт чәкәндә гулағыны ити едир*. 16  Сәни бәдбәхтлијин пәнҹәсинә вермир,+Һүдудсуз ҝенишлијә чыхарыр,+Сәни овундурур, өнүндә долу сүфрә ачыр.+ 17  Һөкм вериләндә, әдаләт бәргәрар оланда,Шәр адамлара чыхарылан һөкмү ҝөрәндә раһатлыг тапаҹагсан.+ 18  Амма бах, гәзәб сәни бәдхаһлыға сүрүкләмәсин,+Бөјүк рүшвәт сәни јолдан чыхармасын. 19  Чарпышмағын, фәрјадларынСәни дәрд-губардан горујармы?+ 20  Инсанын өз јериндән јох олдуғу заманы,Ҝеҹәни арзулама. 21  Өзүнү ҝөзлә, шәрә мејил салмајасан,Буну әзабдан үстүн тутмајасан.+ 22  Бах! Аллаһ гүдрәтилә уҹадыр,Онун кими нәсиһәтчи вармы? 23  Ким Она јол ҝөстәрә биләр?*+Ким Она: “Сәһв етмисән”, — дејә биләр?+ 24  Јадда сахла, Онун ишләрини,+Инсанларын тәрәннүм етдији ишләри уҹалтмалысан.+ 25  Бәшәр бу ишләри ҝөзү илә ҝөрүр,Фани инсан бунлары узагдан сејр едир. 26  Бәли, Аллаһын бөјүклүјү ағласығмаздыр,+Илләри дәркедилмәздир.+ 27  О, су дамлаларыны јухары галдырыр,+Онлар Онун думанындан јағыша чеврилирләр. 28  Сонра булудлар јағышы јерә төкүр,+Онлар бәшәр үзәринә ҝур-ҝур јағыр. 29  Булудларын неҹә јајылдығыны,Онун чадырындан чахан илдырымы ким дәрк едә биләр?+ 30  Бах, шимшәјини онун үзәринә јајыб,+Дәнизин дибини өртүб. 31  Бунларла халглары јашадыр*,Онлара бол-бол азугә верир.+ 32  Шимшәји овҹунда ҝизләдир,Һәдәфинә доғру атыр.+ 33  Илдырым Онун ҹарчысыдыр,Һәтта һејванлар кимин* ҝәлдијини хәбәр верир.

Һашијәләр

Диҝәр вариант: падшаһлары тахта чыхарар.
Мәбәдләрдә ҹинси әлагә үчүн истифадә едилән кишиләр.
Диҝәр вариант: битир.
Јахуд гулағыны ачыр.
Диҝәр вариант: ким Онун јолуну тәнгид едә биләр?; Ким јолуна ҝөрә Онунла һагг-һесаб чәкә биләр?
Диҝәр вариант: халглары мүдафиә едир.
Диҝәр вариант: нәјин.