Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әшија 6:1—13

МҮНДӘРИҸАТ

  • Јеһова Өз мәбәдиндә Әшијаја ҝөрүнүр (1—4)

    • «Мүгәддәсдир, мүгәддәсдир, мүгәддәсдир» (3)

  • Әшијанын додаглары пакланыр (5—7)

  • Әшија тапшырыг алыр (8—10)

    • «Мән ҝедәрәм! Мәни ҝөндәр!» (8)

  • «Еј Јеһова, нә вахтадәк?» (11—13)

6  Падшаһ Үзијјә өлән+ ил мән Јеһованы ҝөрдүм. О, мөһтәшәм, уҹа бир тахтда отурмушду.+ Либасынын әтәкләри мәбәди долдурурду.  Онун һүзурунда серафлар дурмушду. Онларын һәр биринин алты ганады вар иди. Ганадларын икиси илә үзләрини, икиси илә ајагларыны өртүр, икиси илә учурдулар.   Серафлар бир-бирини сәсләјәрәк дејирдиләр: «Ордулар Аллаһы Јеһова мүгәддәсдир, мүгәддәсдир, мүгәддәсдир!+ Бүтүн дүнја Онун ҹалалы илә долудур!»  Онларын сәсиндән гапы дабанлары титрәди вә ев түстү илә долду.+   Мән дедим: «Вај һалыма! Мәһв олдум,Чүнки ағзы мурдар адамам,Ағзы мурдар халгын ичиндә јашајырам.+Ахы Падшаһы, ордулар Аллаһы Јеһованы ҝөзүмлә ҝөрдүм!»  Онда серафлардан бири мәнә сары учду. Әлиндә гурбанҝаһдан+ маша илә ҝөтүрдүјү көз+ вар иди.  Ону додагларыма вуруб деди: «Бах, бу көз сәнин додагларына дәјди, Тәгсирин бағышланды,Ҝүнаһын јујулду!»  Сонра Јеһованын сәсини ешитдим: «Кими ҝөндәрим? Бизим үчүн ким ҝедәр?»+ Мән ҹаваб вердим: «Мән ҝедәрәм! Мәни ҝөндәр!»+   О деди: «Ҝет! Бу халга сөјлә: “Ешитмәјинә ешидәҹәксиниз,Лакин анламајаҹагсыныз,Ҝөрмәјинә ҝөрәҹәксиниз,Лакин бир шеј өјрәнмәјәҹәксиниз”.+ 10  Бу халгын үрәјини һиссијјатсыз ет,+Гулагларыны тыха,+Ҝөзләрини бағла ки,Ҝөзләри илә ҝөрмәсинләр,Гулаглары илә ешитмәсинләр,Үрәкләри илә дәрк етмәсинләр,Шәфа тапмаг үчүн ҝери дөнмәсинләр». 11  Мән дедим: «Еј Јеһова, нә вахтадәк?» О деди: «Шәһәрләр харабазара дөнүб сакинсиз,Евләр адамсыз,Торпаг виранә галанадәк;+ 12  Јеһова инсанлары узаглара ҝөндәрәнәдәк,+Өлкә башдан-баша бијабана дөнәнәдәк. 13  Орада халгын онда бири галаҹаг, амма о да аловун ағушуна атылаҹаг. Нәһәнҝ ағаҹ, палыд ағаҹы кәсиләндә көтүјү галдығы кими, онун да көтүјү галаҹаг. Бу көтүк мүгәддәс бир нәсил* олаҹаг».

Һашијәләр

Һәрфән: тохум.