Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әшија 50:1—11

МҮНДӘРИҸАТ

  • Исраилин ҝүнаһлары башына бәладыр (1—3)

  • Јеһованын итаәткар гулу (4—11)

    • Арифләрин дили (4)

50  Јеһова белә дејир: «Һаны бошадығым ананызын талағы?+ Һансы борҹверәнә сизи сатмышам? Сиз өз тәгсирләриниз+ уҹбатындан сатылмысыныз,Асилијиниз уҹбатындан ананыз говулду.+   Мән ҝәләндә нијә һеч ким јох иди? Чағыранда нијә һеч ким ҹаваб вермәди?+ Мәҝәр сизи гуртармаг үчүн әлим зәифдир?Мәҝәр сизи хилас етмәјә ҝүҹүм чатмыр?+ Мән бир сөзүмлә дәнизи гурудурам,+Чајлары гупгуру сәһраја дөндәрирәм.+ Балыглары сусуз галыб чүрүјүр,Сусузлугдан тәләф олурлар.   Мән ҝөјләрә зүлмәт ҝејиндирирәм,+Әјинләрини чулла өртүрәм».   Күлли-Ихтијар Јеһова мәнә арифләрин дилини вериб ки,+Јериндә дејилмиш сөзлә јорғунлара һај верә билим*.+ Һәр сәһәр мәни ојадыр,Гулағымы ојадыр ки, арифләр кими динләјим.+   Күлли-Ихтијар Јеһова гулағымы ачды,Мән инад етмәдим,+ Үзүмү чевирмәдим.+   Мәни вуранлара күрәјими ачдым,Саггалымы јоланлара јанағымы узатдым. Тәһгирләрдән, түпүрҹәкләрдән сифәтими ҝизләтмәдим.+   Күлли-Ихтијар Јеһова мәнә көмәк олар,+ Хәҹил олмарам. Одур ки, үзүмү чахмагдашы кими етмишәм,+Билирәм, әсла рүсвај олмарам.   Мәнә һагг газандыран јанымдадыр. Ким мәни иттиһам едә биләр?+ Ҝәлин бир јердә ајаға галхаг. Кимин мәнә гаршы иддиасы вар? Гој јахынлашсын.   Күлли-Ихтијар Јеһова көмәјимдир. Ким мәни мүгәссир чыхарар? Онларын һамысы палтар кими көһнәлиб ҝедәҹәк. Онлары ҝүвә јејиб мәһв едәҹәк. 10  Аранызда Јеһовадан горхан,Гулунун сәсинә гулаг асан вармы?+ Ишыг үзү ҝөрмәјиб зүлмәтдә ҝәзән вармы? Гој о, Јеһованын адына ҝүвәнсин, Аллаһына бел бағласын. 11  «Сиз, еј од галајанлар,Гығылҹым сачдыранлар,Аловунузун ишығында,Гығылҹымларынызын арасында ҝәзин. Әлимдән алаҹағыныз пај бу олаҹаг: Шиддәтли ағрыдан јерә сәриләҹәксиниз.

Һашијәләр

Диҝәр вариант: тәравәт верә билим.