Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әшија 35:1—10

МҮНДӘРИҸАТ

  • Ҹәннәт бәрпа едиләҹәк (1—7)

    • Корлар ҝөрәҹәк, карлар ешидәҹәк (5)

  • Гуртулмушлар Мүгәддәслик јолунда (8—10)

35  Сәһра вә гураг торпаг севинәҹәк,+Дүзләр шадланаҹаг, зәфәрантәк чичәкләнәҹәк,+   Ҝүл-чичәк ачаҹаг,+Шадланыб ҹуша ҝәләҹәк. Ливанын әзәмәти,+Кармеллә+ Шаронун+ ҹаһ-ҹалалы она вериләҹәк. Инсанлар Јеһованын әзәмәтини, Аллаһымызын ҹалалыны ҝөрәҹәкләр.   Сүстләшмиш голлары гүввәтләндирин,Титрәјән дизләрә тәпәр верин.+   Үрәји тәлаш кечирәнләрә дејин: «Мөһкәм олун, горхмајын! Аллаһыныз гисас алмаға ҝәләҹәк,Интигам алмаға ҝәләҹәк.+ Ҝәлиб сизә ниҹат верәҹәк».+   О вахт корларын ҝөзләри ачылаҹаг,+Карларын гулаглары ешидәҹәк.+   О вахт ахсаглар марал кими сычрајаҹаг,+Лалларын дили севинҹдән ҹәһ-ҹәһ вураҹаг.+ Сәһрада булаглар гајнајаҹаг,Дүзләрдә чајлар ахаҹаг.   Гарсымыш торпаг гамышлы ҝөлә,Сусуз торпаг булаглар дијарына дөнәҹәк.+ Чаггалларын јувасы,+ динҹлик јерләри чајыр-чәмән олаҹаг,Гарғы, гамыш битирәҹәк.   Орада ҝениш бир јол олаҹаг,+О јол Мүгәддәслик јолу адланаҹаг. Бу јолла мурдар адам јеримәјәҹәк.+ Бу јол ону сечәнләрин јолу олаҹаг,Ахмаг тәсадүфән бу јола чыхмајаҹаг.   Орада асланлар ҝәзмәјәҹәк,Јыртыҹы һејванлар бу јола чыхмајаҹаг, Онлара орада раст ҝәлинмәјәҹәк.+Јалныз фидјә илә гуртулмушлар бу јолла ҝедәҹәк.+ 10  Јеһованын гуртулуш вердикләри гајыдаҹаг,+ севинҹ сәдаларыјла Сиона ҝәләҹәк.+ Сонсуз фәрәһ башларынын таҹы олаҹаг.+ Онларын нәсиби шадлыг вә севинҹ олаҹаг,Гәм-гүссә гачыб ҝедәҹәк.+

Һашијәләр