Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әшија 34:1—17

МҮНДӘРИҸАТ

  • Јеһова халглардан интигам алаҹаг (1—8)

  • Әдум виранә галаҹаг (9—17)

34  Еј халглар, јахын ҝәлиб ешидин,Динләјин, еј үммәтләр! Гој јер үзү вә ону долдуранлар,Торпаг вә онун мәһсулу гулаг версин.   Јеһованын гәзәби бүтүн халглара гаршыдыр,+Һиддәти ордуларына гаршыдыр;+ Онлары мәһв едәҹәк,Гылынҹ ағзына верәҹәк.+   Онларын лешләри атылыб галаҹаг,Ҹәсәдләриндән үфунәт галхаҹаг.+Ганлары дағлары исладаҹаг*.+   Ҝөјләрин бүтүн ордусу чүрүјәҹәк,Ҝөјләр тумар кими бүкүләҹәк. Гуру јарпаг мејнәдән дүшдүјү кими,Бүзүшмүш әнҹир ағаҹдан төкүлдүјү кими,Онун бүтүн ордусу солухуб төкүләҹәк.   «Гылынҹым ҝөјдә исланаҹаг.+ Әдумун+, мәһвә мәһкум етдијим о халгын үзәринә енибҺөкмү иҹра едәҹәк.   Јеһованын гылынҹы дојунҹа ган ичәҹәк, Дојунҹа пиј+ јејәҹәк,Гочларын, тәкәләрин ганыны,Гочларын бөјрәк пијини. Јеһова Бозраһда гурбан кәсәҹәк,Әдум торпағында бөјүк гырғын төрәдәҹәк.+   Онларла бирликдә өкүзләр дә гырылаҹаг,Ҹөнҝәси дә, јекәси дә. Ганлары өлкәләрини исладаҹаг,Пијләри торпаға һопаҹаг».   Јеһованын интигам ҝүнүдүр,+Сиона едилән зүлмләрә ҝөрә гисас илидир.+   Онун* чајлары гатрана,Торпағы күкүрдә дөнәҹәк.Өлкәси јанар гатран кими олаҹаг. 10  Ҝеҹә-ҝүндүз јанаҹаг, сөнмәјәҹәк.Әбәди түстүләнәҹәк. О, нәсилдән-нәслә виранә галаҹаг,Бир дә ораја инсан ајағы дәјмәјәҹәк.+ 11  Орада гутан, охлу кирпи мәскән салаҹаг,Гулаглы бајгуш, гузғун јашајаҹаг. О, ону виранәлик ипи илә,Бошлуг шагулу илә өлчәҹәк. 12  Әсилзадәләриндән һеч бири падшаһлыға дәвәт алмајаҹаг,Бәјләринин нәсли кәсиләҹәк. 13  Бүрҹләриндә тикан битәҹәк,Галаларыны ҝиҹиткән, гангал басаҹаг. Ора чаггал јувасына,+Дәвәгушу ојлағына чевриләҹәк. 14  Орада сәһра һејванлары улајан һејванларла ҝөрүшәҹәк,Чөл кечиләри* бир-бирини сәсләјәҹәк, Чобаналдадан јува салаҹаг, динҹлик тапаҹаг. 15  Орада илан јува салыб јумурта гојаҹаг,Балаларыны јумуртадан чыхарыб көлҝәсинә јығаҹаг. Орада чалағанлар ҹүтләри илә топлашаҹаг. 16  Јеһованын китабыны арашдыр вә ону уҹадан оху. Бах, һеч бири әскик дејил,Һәр биринин ҹүтү јанындадыр,Чүнки бу фәрман Јеһованын ағзындан чыхыб,Онун руһу онлары бир јерә топлајыб. 17  О Өзү онлар үчүн пүшк атды,Өз әли илә өлчүб онлара јер верди. Һәмишәлик о јерә саһиб олаҹаглар,Нәсилдән-нәслә орада јашајаҹаглар.

Һашијәләр

Јахуд дағлардан ахаҹаг.
Ҝөрүнүр, Әдумун пајтахты Бозраһ нәзәрдә тутулур.
Диҝәр вариант: кечијәбәнзәр ҹинләр.