Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әшија 33:1—24

МҮНДӘРИҸАТ

  • Салеһләр үчүн әдаләт вә үмид (1—24)

    • Јеһова Һаким, Ганунверән вә Падшаһдыр (22)

    • «Хәстәјәм» дејән олмајаҹаг (24)

33  Вај һалына, еј виран ҝөрмәмиш виранчы,+Еј хәјанәт дадмамыш хаин! Виранчылығын баша чатанда сән дә виран галаҹагсан,+ Хаинлијин баша чатанда сән дә хәјанәт дадаҹагсан.   Еј Јеһова, бизә лүтф ҝөстәр,+ Үмид јеримиз Сәнсән. Һәр сәһәр ҝүҹүмүз*+ ол,Дар ҝүндә ниҹатымыз ол.+   Ҝурултундан халглар гачыр. Сән галханда үммәтләр пәрән-пәрән олур.+   Аҹҝөз чәјирткәләртәк дарашыб малыны талан едәҹәкләр;Чәјирткә сүрүләри кими малынын үстүнә ҹумаҹаглар.   Јеһова уҹалаҹаг,Чүнки мәскәни уҹалардадыр. О, Сиону әдаләтлә, салеһликлә долдураҹаг.   О, сәнин дөврүнүн сәбатыдыр,Онун хәзинәсиЈеһова хофудур,+ сајаҝәлмәз гуртулушлардыр,+ һикмәтдир, биликдир.   Будур, онларын гәһрәманлары күчәдә бағырыр;Сүлһ елчиләри аҹы-аҹы ағлајыр.   Баш јоллар бомбошдур;Јолларла ҝедиб-ҝәлән јохдур. О*, әһди позду,Шәһәрләрә һәгарәт етди;Онун үчүн инсан һеч нәдир.+   Өлкә јас тутуб*, саралыб солур. Ливан хәҹаләт чәкир,+ чүрүјүб ҝедиб. Шарон сәһратәк олуб,Башанла Кармел јарпағыны төкүр. 10  Јеһова дејир: «Будур, галхырам,Өзүмү уҹалдаҹағам,+Өзүмү јүксәлдәҹәјәм. 11  Бәтндә гуру от дашыјыб күләш доғурсунуз, Өз руһунуз сизи јандырыб күлә дөндәрәҹәк.+ 12  Халглар јанмыш әһәнҝ кими олаҹаг. Кәсилмиш тикан кими јандырылаҹаглар.+ 13  Еј узагда оланлар, нә едәҹәјими ешидин! Сиз, еј јахындакылар, Мәним ҝүҹүмү таныјын. 14  Сион ҝүнаһкарлары горху ичиндәдир.+Дөнүкләри әсмәҹә тутуб: “Јандырыб-јахан од олан јердә һансымыз јашаја биләр?+ Сөнмәз алова һансымыз дөзә биләр?” 15  Даима салеһликдә аддымлајан,+Доғру данышан,+Һарам, надүрүст ҝәлири рәдд едән,Әлини рүшвәтдән узаг тутан,+Ган төкәнләрин мәшвәрәтинә гулаг тыхајан,Пислији ҝөрмәмәк үчүн ҝөзләрини бағлајан кәс 16  Уҹа зирвәләрдә јашар,Гаја истеһкамлары она сығынаҹаг олар,Рузиси түкәнмәз,Сују гуртармаз».+ 17  Сәнин ҝөзләрин падшаһы ҹаһ-ҹалалында ҝөрәҹәк,Узаглардакы дијары ҝөрәҹәк. 18  О дәһшәти ағлындан кечирәрәк дејәҹәксән: «Һаны о мирзә? Һаны о хәраҹы өлчән?+ Һаны о бүрҹләри сајан?» 19  Даһа о азғын халгы ҝөрмәјәҹәксән,О халгы ки дили анлашылмаздыр,Нә кәкәләдијини баша дүшмүрсән.+ 20  Сиона, бајрамлар кечирдијиниз шәһәрә бир бах!+ Ҝөрәҹәксән, Јерусәлим динҹлик мәканыдыр,Сөкүлмәз бир чадыр кимидир.+ Мыхлары чыхарылмаз,Ипләриндән бири дә гырылмаз. 21  Әзәмәт Саһиби ЈеһоваБизим үчүн гојнундан чајлар, енли архлар ахан мәкан олаҹаг,Ораја аварлы ҝәми донанмасы ҝирмәз,Әзәмәтли ҝәмиләр орадан кечмәз. 22  Чүнки Јеһова бизим Һакимимиздир,+Јеһова бизим Ганунверәнимиздир,+Јеһова бизим Падшаһымыздыр,+Бизи гуртаран Одур.+ 23  Сәнин ипләрин бошалаҹаг;Дор ағаҹы мөһкәм дурмур, јелкән тарым чәкилмир. О вахт чохлу талан малы пајланаҹаг,Һәтта ахсаглар бол гәнимәт ҝөтүрәҹәк.+ 24  Һеч бир сакин «хәстәјәм» демәјәҹәк.+ Орада јашајанларын ҝүнаһы бағышланаҹаг.+

Һашијәләр

Јахуд голумуз.
Дүшмән.
Диҝәр вариант: гурујур.