Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әшија 29:1—24

МҮНДӘРИҸАТ

  • Әрјилин вај һалына (1—16)

    • «Халг Мәнә дилдә јахынлашыр» (13)

  • Карлар ешидәҹәк; корлар ҝөрәҹәк (17—24)

29  «Әрјилин*, Давудун ордуҝаһ салдығы Әрјилин вај һалына!+ Или илә ҹалајын,Иллик бајрамларынызы кечирин.+   Амма Мән Әрјилә бәла ҝәтирәҹәјәм,+Орада матәм, ағлашма олаҹаг,+О, Мәним үчүн гурбанҝаһ оҹағына чевриләҹәк.+   Сәнин әтрафында ордуҝаһ гураҹағам,Паја чәпәр чәкиб сәни мүһасирәјә алаҹағам,Мүһасирә гурғулары гураҹағам.+   Алчалаҹагсан,Торпағын ичиндән данышаҹагсан,Ағзынын сөзләри тоза бүрүнәҹәк. Сәсин ҹиндарын сәси кимиЈердән+ ҝәләҹәк,Сөзләрин тоз-торпагдан ҹиккилти кими чыхаҹаг.   Јағыларын издиһамы тоз кими,+Амансызлар күтләси саман кими олаҹаг,+ Гәфилдән, бир ҝөз гырпымында.+   Ордулар Аллаһы Јеһова сәни хилас едәҹәк,Ҝурултујла, зәлзәләјлә, ҝур сәслә,Фыртынајла, гасырғајла, јандырыб-јахан аловла».+   Онда Әрјиллә мүһарибә едән бүтүн халгларын издиһамы,+Бүтүн онунла вурушанлар,Она гаршы гојулан мүһасирә гүлләләри,Бүтүн она зүлм едәнләрЈухуја, бир рөјаја дөнәҹәк.   Неҹә ки јухуда јемәк једијини ҝөрән аҹ адамОјананда гарны аҹ олур,Неҹә ки јухуда су ичдијини ҝөрән сусамыш адамОјананда сусузлугдан јаныр, һалсыз олур, Сион дағы илә мүһарибә едәнБүтүн халгларын издиһамы да елә олаҹаг.+   Мат-мәәттәл галын,+Ҝөзүнүзү кор един, кор олун.+ Онлар сәрхошдурлар, анҹаг шәрабдан јох.Онлар сәндәләјирләр, анҹаг ичкидән јох. 10  Јеһова үзәринизә ағыр јуху төкүб,+О, сизин ҝөзләринизи гапады, еј пејғәмбәрләр+,О, сизин башынызы өртдү, еј ҝөрүҹүләр+. 11  Сизин үчүн һәр вәһј мөһүрләнмиш бир китабын сөзләринә чеврилир.+ Ону охумағы баҹаран кимәсә вериб дејәндә «хаһиш едирәм буну оху», о дејир «баҹармарам, чүнки мөһүрлүдүр». 12  Ону охумағы баҹаран кимәсә вериб дејәндә «хаһиш едирәм буну оху», о дејир «охумағы баҹармырам». 13  Јеһова дејир: «Бу халг Мәнә дилдә јахынлашыр,Дилдә Мәнә һөрмәт едир,+Үрәкдә исә Мәндән узаглашыб.Онлара тәлгин едилән Аллаһ хофу инсан әмрләринә дајаныр.+ 14  Буна ҝөрә Мән бу халгын башына һејрәтли ишләр ҝәтирәҹәјәм,+Һејрәтли, гәрибә ишләр.Мүдрикләринин һикмәти јох олаҹаг,Агилләрин ағлы јоха чыхаҹаг».+ 15  Нијјәтләрини вар ҝүҹү илә Јеһовадан ҝизләтмәјә чалышанларын вај һалына!+ Ишләрини гаранлыг јердә ҝөрүрләр,Дејирләр: «Кимдир бизи ҝөрән? Кимдир бизи таныјан?»+ 16  Ҝөр неҹә позулмусунуз! Һеч ҝил дулусчуја тај тутулар?+ Һеч әшја ону дүзәлдән барәдә: «О, мәни дүзәлтмәјиб»,+ Мәмулат емалчысы һаггында: «Онун һеч нәдән башы чыхмыр», — дејәр?+ 17  Бир аздан Ливан мејвә бағына дөнәҹәк,+Бағ исә мешә сајылаҹаг.+ 18  О ҝүн карлар китабдакы сөзләри ешидәҹәк,Кор ҝөзләр гаранлыгдан, зүлмәтдән азад олуб ҝөрәҹәк.+ 19  Јеһова һәлимләрин һәдсиз севинҹи олаҹаг,Халгын касыблары Исраилин Мүгәддәсиндә севинҹ тапаҹаг.+ 20  Артыг залымлар олмајаҹаг,Ловғалар јох олаҹаг,Фикри-зикри јаманлыг оланлар мәһв олаҹаг,+ 21  О кәсләр ки, јаланла башгасыны тәгсиркар чыхардыр,Шәһәр дарвазасындакы мүдафиәчи* үчүн тәлә гурур,+Бош-бош бәһанәләрлә салеһи әдаләтдән мәһрум едирләр.+ 22  Буна ҝөрә Ибраһими гуртаран Јеһова+ Јагуб евинә белә дејир: «Јагуб даһа хәҹаләт чәкмәјәҹәк,Үзү даһа солмајаҹаг*.+ 23  О, Мәним әлимин иши олан өвладларыны+Әтрафында ҝөрәндәБирликдә Мәним адымы мүгәддәс тутаҹаглар,Бәли, Јагубун Мүгәддәсини мүгәддәс тутаҹаглар,Исраилин Аллаһынын гаршысында еһтирамла дураҹаглар.+ 24  Инадҹыл адамлар дәрракәли олаҹаг,Ҝилејләнәнләр нәсиһәти гәбул едәҹәк».

Һашијәләр

Тәхмини мәнасы: Аллаһын гурбанҝаһынын оҹағы. Ҝөрүнүр, Јерусәлимә аиддир.
Һәрфән: төһмәт верән.
Јәни хәҹаләт вә мәјуслугдан.