Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әстәр 6:1—14

МҮНДӘРИҸАТ

  • Шаһ Мәрдәһаја һөрмәт ҝөстәрир (1—14)

6  Һәмин ҝеҹә шаһын јухусу гачмышды. Шаһ әмр етди ки, салнамәләр китабы+ ҝәтирилсин. Китаб онун һүзурунда охунду.  Орада шаһын ики мәмуру, гапы кешикчиләри Бигтан вә Тәрәшин шаһы өлдүрмәк гәсдләри барәдә Мәрдәһајын хәбәр вердији јазылмышды.+  Шаһ сорушду: «Бу ишинә ҝөрә Мәрдәһај һансы шәрәфә вә шана лајиг ҝөрүлүб?» Шаһын вәзир-вәкили ҹаваб верди: «Она һеч нә верилмәјиб».  Даһа сонра шаһ деди: «Һәјәтдә ким вар?» Бу вахт Һәман һәјәтдә иди.+ О ҝәлмишди ки, шаһла данышыб һазырладығы дирәкдән Мәрдәһајы асдырсын.+  Шаһын гуллугчулары дедиләр: «Һәјәтдә Һәман+ дуруб». Шаһ бујурду: «Гој ичәри ҝәлсин!»  Һәман ичәри ҝирәндә шаһ ондан сорушду: «Шаһын һөрмәт ҝөстәрмәк истәдији адам үчүн нә едилмәлидир?» Һәман үрәјиндә дүшүндү: «Шаһ мәндән савајы кимә һөрмәт ҝөстәрмәк истәјәҹәк ки?»+  вә белә ҹаваб верди: «Шаһын һөрмәт ҝөстәрмәк истәдији кәс үчүн  гој шаһын ҝејиндији шаһ либасыны+ вә башына шаһ чәләнҝи гојулмуш, шаһын миндији аты ҝәтирсинләр.  Либас вә ат шаһын нәҹабәтли әјанларындан биринә һәвалә едилсин. Либасы шаһын һөрмәт ҝөстәрмәк истәдији адама ҝејиндирсинләр, ону атын белиндә шәһәр мејданында ҝәздирсинләр вә өнүндә ҹар чәксинләр: “Шаһ һөрмәт ҝөстәрмәк истәдији адама бу ҹүр һөрмәт ҝөстәрир”».+ 10  Шаһ Һәмана бујурду: «Онда тез либасы вә аты ҝөтүр вә дедијини шаһ дарвазасында отуран јәһуди Мәрдәһај үчүн ет. Һеч нәји унутма!» 11  Һәман либасы вә аты ҝөтүрдү, Мәрдәһајы+ ҝејиндирди. Ону атын белиндә шәһәр мејданында ҝәздириб өнүндә ҹар чәкди: «Шаһ һөрмәт ҝөстәрмәк истәдији адама бу ҹүр һөрмәт ҝөстәрир». 12  Бундан сонра Мәрдәһај шаһ дарвазасына гајытды. Һәман исә башыны өртүб дилхор һалда евинә тәләсди. 13  О, башына ҝәләнләри арвады Зәрәшлә+ достларына данышды. Башбиләнләри вә арвады Зәрәш она дедиләр: «Сәндән јүксәјә галхмыш бу Мәрдәһај јәһудидирсә, она ҝүҹүн чатмајаҹаг. Онун гаршысында мүтләг мәғлуб олаҹагсан». 14  Онлар һәлә данышаркән шаһын мәмурлары ҝәлдиләр вә Һәманы тәләсик Әстәрин вердији зијафәтә апардылар.+

Һашијәләр