Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әрәмја 41:1—18

МҮНДӘРИҸАТ

  • Исмајыл Гәдалини гәтлә јетирир (1—10)

  • Исмајыл Јуһәннадан гачыр (11—18)

41  Једдинҹи ајда падшаһ нәслиндән вә падшаһын баш мәмурларындан олан Әлшама оғлу Нәсәнијјәнин оғлу Исмајыл+ он нәфәрлә бирҝә Миспаһа Әхигәм оғлу Гәдалинин јанына ҝәлди.+ Миспаһда бир јердә јемәк јејәндә  Нәсәнијјә оғлу Исмајылла јанындакы он адам ајаға галхыб Шафан оғлу Әхигәмин оғлу Гәдалини гылынҹла вурду. Беләҹә, о, Бабил падшаһынын өлкәнин үзәринә гојдуғу адамы өлдүрдү.  Исмајыл һәмчинин Миспаһда Гәдалинин јанында олан бүтүн јәһудиләри вә орадакы кәлдани дөјүшчүләри өлдүрдү.  Гәдалинин өлүмүнүн икинҹи ҝүнү, һәлә бундан һеч кәс хәбәр тутмамыш,  Сиһамдан+, Шилодан+ вә Сәмәријјәдән+ саггалы гырхылмыш, јахалары ҹырыг, бәдәнләрини јараламыш,+ әлләриндә Јеһованын еви үчүн тахыл тәгдимәси вә күндүр+ олан сәксән нәфәр адам ҝәлди.  Нәсәнијјә оғлу Исмајыл онлары гаршыламаг үчүн Миспаһдан чыхды. О ҝедә-ҝедә ағлајырды. Исмајыл онлары гаршылајыб деди: «Әхигәм оғлу Гәдалинин јанына ҝәлин».  Амма шәһәрә ҝирәндә Нәсәнијјә оғлу Исмајыл јанындакы адамларла онлары өлдүрүб гујуја атды.  Онлардан он нәфәр исә Исмајыла деди: «Бизи өлдүрмә, чөлдә ҝизли сахланан буғдамыз, арпамыз, јағымыз, балымыз вар». Онда Исмајыл фикриндән дөндү, онлары сојдашлары илә бирҝә өлдүрмәди.  Исмајыл өлдүрдүјү адамларын мејитини бөјүк бир гујуја атды. О гујуну Аса падшаһ Исраил падшаһы Баша+ ону тәһдид едәндә газмышды. Мәһз бу гујуну Нәсәнијјә оғлу Исмајыл мејитләрлә долдурду. 10  Исмајыл кешикчибашы Нәбузарданын Әхигәм оғлу Гәдалинин табелијинә вердији+ Миспаһдакы халгы+ — падшаһын гызларыны вә Миспаһда галан ҹамааты әсир апарды. Нәсәнијјә оғлу Исмајыл онлары әсир ҝөтүрүб әмуниләр тәрәфә кечмәк үчүн јола дүшдү.+ 11  Гәрјаһ оғлу Јуһәнна+ вә онунла олан сәркәрдәләр Нәсәнијјә оғлу Исмајылын төрәтдији әмәлләр барәдә ешитдиләр. 12  Бүтүн адамларыны топлајыб Нәсәнијјә оғлу Исмајылла дөјүшмәјә ҝетдиләр. Ону Ҝибјондакы бол суларын* јанында тапдылар. 13  Исмајылын јанындакы ҹамаат Гәрјаһ оғлу Јуһәннаны вә онунла олан сәркәрдәләри ҝөрәндә севинди. 14  Исмајылын Миспаһдан+ әсир ҝөтүрдүјү адамлар дөнүб Гәрјаһ оғлу Јуһәнна илә ҝери гајытдылар. 15  Нәсәнијјә оғлу Исмајыл исә јанындакы сәккиз адамла бирҝә Јуһәннадан гачыб-гуртулду вә әмуниләрин јанына ҝетди. 16  Гәрјаһ оғлу Јуһәнна вә јанындакы сәркәрдәләр Нәсәнијјә оғлу Исмајылын Әхигәм оғлу Гәдалини өлдүрәндән сонра+ Миспаһдан әсир ҝөтүрдүјү ҹамааты онун әлиндән хилас едиб Ҝибјондан ҝери ҝәтирдиләр. Әсирләрин арасында кишиләр, гадынлар, ушаглар, дөјүшчүләр, сарај мәмурлары вар иди. 17  Беләҹә, онлар Мисирә ҝетмәк үчүн јола чыхдылар+ вә ҝәлиб Бејтләһмин+ јанында јерләшән Кимһамда ҝеҹәләдиләр. 18  Онлар кәлданиләрин горхусундан Мисирә үз тутмушдулар. Чүнки Нәсәнијјә оғлу Исмајыл Бабил падшаһынын өлкәнин үзәринә гојдуғу Әхигәм оғлу Гәдалини өлдүрмүшдү.+

Һашијәләр

Диҝәр вариант: бөјүк һовузун.