Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әрәмја 39:1—18

МҮНДӘРИҸАТ

  • Јерусәлимин сүгуту (1—10)

    • Сидгијјә гачыр, әлә кечир (4—7)

  • Әрәмјаны горумаг тапшырылыр (11—14)

  • Әбәдмәлик хилас олаҹаг (15—18)

39  Јәһуда падшаһы Сидгијјәнин һакимијјәтинин доггузунҹу илиндә, онунҹу ајда Бабил падшаһы Навуходоносор бүтүн ордусу илә Јерусәлимә јүрүш етди вә шәһәри мүһасирәјә алды.+  Онлар Сидгијјәнин һакимијјәтинин он биринҹи илиндә, дөрдүнҹү ајын доггузунҹу ҝүнүндә шәһәр диварларыны сындырдылар.+  Бабил падшаһынын әјанлары — самгар* Нергал-Шарасар, рәбсарис* Нәбу-Сәрсәким, рәбмаг* Нергал-Шарасар вә Бабил падшаһынын диҝәр әјанлары шәһәрә ҝириб Орта дарвазада әјләшдиләр.+  Јәһуда падшаһы Сидгијјә илә дөјүшчүләр онлары ҝөрәндә ҝеҹә икән падшаһ бағындан кечиб гоша диварын арасындакы шәһәр дарвазасындан чыхдылар вә Әрәбә јолу илә гачдылар.+  Кәлдан ордусу онларын далынҹа дүшдү вә Әриһа чөллүјүндә Сидгијјәни јахалады.+ Ону тутуб Һәмәсдәки+ Риблаһа,+ Бабил падшаһы Навуходоносорун һүзуруна ҝәтирдиләр. Падшаһ орада она һөкм чыхартды.  Бабил падшаһы Риблаһда Сидгијјәнин ҝөзү габағында оғулларыны гәтлә јетирди. Бабил падшаһы Јәһуданын бүтүн әсилзадәләрини дә өлдүрдү.+  Сидгијјәнин исә ҝөзләрини чыхартды, ону Бабилә апармаг үчүн мис гандалларла гандаллады.+  Сонра кәлданиләр падшаһын сарајыны, ҹамаатын евини јандырдылар,+ Јерусәлимин диварларыны учуртдулар.+  Кешикчибашы Нәбузардан+ шәһәрдә галанлары, она тәрәф кечәнләри вә јердә галан адамлары Бабилә әсир апарды. 10  Лакин о, һеч нәји олмајан ән касыб адамлардан бир гәдәрини Јәһудада сахлады. О ҝүн онлара үзүм бағлары вә тарлалар верди ки, әкиб-беҹәрсинләр*.+ 11  Бабил падшаһы Навуходоносор Әрәмја илә бағлы кешикчибашы Нәбузардана әмр верди: 12  «Она ҝөз-гулаг ол, хәләл јетирмә, нә хаһиш етсә, елә».+ 13  Кешикчибашы Нәбузардан, рәбсарис* Нәбушазбан, рәбмаг Нергал-Шарасар вә Бабил падшаһынын баш мәмурлары адам ҝөндәриб 14  Әрәмјаны Кешикчи һәјәтиндән ҝәтирдиләр+ вә Шафан+ оғлу Әхигәмин+ оғлу Гәдалијә+ тәһвил вердиләр ки, ону өз евинә апарсын. Беләҹә, Әрәмја халгын арасында јашады. 15  Әрәмја Кешикчи һәјәтиндә дустаг икән+ она Јеһованын сөзү назил олмушду: 16  «Ҝет, һәбәш Әбәдмәликә+ сөјлә ки, Исраилин Аллаһы, ордулар Аллаһы Јеһова белә дејир: “Бу шәһәрин әлејһинә дедијим сөзү јеринә јетирирәм, онун үзәринә хејир јох, фәлакәт ҝәтирирәм. О ҝүн сән бунун шаһиди олаҹагсан”. 17  “Анҹаг о ҝүн сәни хилас едәҹәјәм, — бәјан едир Јеһова, — горхдуғун адамларын әлинә кечмәјәҹәксән”. 18  “Сәни мүтләг хилас едәҹәјәм, гылынҹа туш ҝәлмәјәҹәксән. Мәнә ҝүвәндијин үчүн+ сағ галаҹагсан”,+ — бәјан едир Јеһова».

Һашијәләр

Ҝөрүнүр, титулдур.
Ибрани мәтнини белә дә охумаг олар: Нергал-Шарасар, Самгар-Нәбу, Сәрсәким, Рәбсарис.
Баш мүнәҹҹим.
Диҝәр вариант: иҹбари әмәклә мәшғул олсунлар.
Сарајын баш мәмуру.