Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әрәмја 33:1—26

МҮНДӘРИҸАТ

  • Дирчәлиш вәди (1—13)

  • Салеһ пөһрә дөврүндә әмин-аманлыг (14—16)

  • Давуд вә каһинләрлә әһд (17—26)

    • Ҝүндүз вә ҝеҹә илә бағлы әһд (20)

33  Кешикчи һәјәтиндә дустаг оланда+ Әрәмјаја икинҹи дәфә Јеһованын сөзү назил олду:  «Јери хәлг едән Јеһова, она гурулуш вериб мөһкәм бәргәрар едән Јеһова, ады Јеһова олан Аллаһ белә дејир:  “Мәни чағыр, сәнә ҹаваб верим, билмәдијин бөјүк, дәркедилмәз шејләри сәнә мәмнунијјәтлә билдирим”».+  «Исраилин Аллаһы Јеһова мүһасирә бәндләри вә гылынҹ уҹбатындан јерлә јексан олан бу шәһәрдәки евләр вә Јәһуда падшаһларынын евләри барәдә,+  гејз-гәзәбилә өлдүрдүјү, пис әмәлләри илә Ону бу шәһәри тәрк етмәјә вадар едәнләр барәдә — кәлданиләрлә дөјүшмәк үчүн ҝәлиб шәһәри өз мејитләри илә долдуран кәсләр барәдә белә дејир:  “Мән бу шәһәрә сағламлыг, шәфа верәҹәјәм.+ Онлары сағалдаҹағам. Онлара динҹлик, әмин-аманлыг бәхш едәҹәјәм.+  Јәһудадан вә Исраилдән сүрҝүнә ҝедәнләри ҝери гајтараҹағам.+ Онлары әввәлки кими дирчәлдәҹәјәм.+  Онлары Мәнә гаршы етдикләри ҝүнаһлардан, тәгсирләрдән тәмизләјәҹәјәм.+ Мәнә гаршы етдикләри ҝүнаһлары, тәгсирләри, асиликләри әфв едәҹәјәм. +  Онлара етдијим бүтүн јахшылыглары ешидән дүнја халгларынын өнүндә бу шәһәрин ады Мәни уҹалдаҹаг, бу шәһәрә ҝөрә Мәни вәсф едәҹәкләр, шәрәфләндирәҹәкләр.+ Онлар шәһәрә ҝөстәрдијим кәрамәтә, бәхш етдијим әмин-аманлыға ҝөрә горхуб-титрәјәҹәкләр”».+ 10  «Јеһова белә дејир: “Сизин “хараба галыб, адам, һејван јохдур” дејәҹәјиниз бу јердә, виранә, адамсыз, һејвансыз галан Јәһуда шәһәрләриндә, Јерусәлим күчәләриндә јенә дә 11  севинҹ, шадлыг һарајы,+ бәј-ҝәлин сәси, “ордулар Аллаһы Јеһоваја һәмд един, чүнки Јеһова кәрамәтлидир,+ мәһәббәти әбәдидир!” дејәнләрин сәси ешидиләҹәк!”+ “Јеһованын евинә шүкран гурбанлары ҝәтирәҹәкләр,+ чүнки бу өлкәдән сүрҝүн олунанлары ҝери гајтараҹағам, онлар әввәлки кими олаҹаглар”, — бәјан едир Јеһова». 12  «Ордулар Аллаһы Јеһова белә дејир: “Инсансыз, һејвансыз галмыш бу хараба мәмләкәтдә, онун шәһәрләриндә јенә дә өрүшләр олаҹаг, чобанлар сүрүләрини отараҹаг”.+ 13  “Дағлыг бөлҝәдәки, дүзәнликдәки шәһәрләрдә, ҹәнуб шәһәрләриндә, Бинјамин торпағында, Јерусәлимин әтрафында,+ Јәһуда шәһәрләриндә+ јенә дә чобанлар гојун-гузуларыны сајаҹаг”, — дејир Јеһова». 14  «“Ҝүн ҝәләҹәк, — Јеһова бәјан едир, — Исраил вә Јәһуда еви илә бағлы вердијим ҝөзәл вәди јеринә јетирәҹәјәм.+ 15  О ҝүнләрдә, о заман Давудун нәслиндән салеһ пөһрә чыхараҹағам.+ О, өлкәдә салеһликлә, һагг-әдаләтлә давранаҹаг.+ 16  О ҝүнләрдә Јәһуда хилас олаҹаг,+ Јерусәлим әмин-аманлыгда јашајаҹаг.+ Ону “Салеһлијимиз Јеһовадандыр” дејиб чағыраҹаглар”».+ 17  «Јеһова белә дејир: “Исраил евинин тахтында һәмишә Давудун сүлаләси олаҹаг.+ 18  Јандырма гурбанлары вә башга гурбанлар тәгдим етмәк, тахыл тәгдимәләри јандырмаг үчүн өнүмдә һәмишә лавили каһинләр олаҹаг”». 19  Јенидән Әрәмјаја Јеһованын сөзү назил олду: 20  «Јеһова белә дејир: “Әҝәр ҝүндүз, ҝеҹә өз вахтында олмасын дејә, ҝүндүзлә, ҝеҹә илә бағлы әһдими поза билсәниз,+ 21  јалныз онда гулум Давудла бағладығым әһд позула биләр,+ Давудун тахтында онун сүлаләсиндән һеч ким отурмаз.+ Хидмәтчиләрим лавили каһинләрлә бағладығым әһд дә јалныз онда позула биләр.+ 22  Гулум Давудун, Мәнә хидмәт едән лавилиләрин өвладларыны саја-һесаба ҝәлмәјән сәма ордусу гәдәр, дәниз гуму гәдәр чохалдаҹағам”». 23  Әрәмјаја јенә Јеһованын сөзү назил олду: 24  «Фикир верирсән, бу халг нә дејир: “Јеһова вахтилә сечдији ики нәсли рәдд едәҹәк”? Онлар Мәним халгымы алчалдыр, артыг ону халг һесаб етмир. 25  Јеһова белә дејир: “Ҝүндүзлә, ҝеҹә илә бағлы әһдими,+ јерин, ҝөјүн ганунларыны тәсис едиб позмадығым кими,+ 26  Јагуб нәслини*, гулум Давудун нәслини дә һеч вахт рәдд етмәјәҹәјәм. Ибраһимин, Исһагын вә Јагубун өвладлары үзәриндә онун нәсли һөкмранлыг едәҹәк. Чүнки Мән онлардан сүрҝүнә ҝедәнләри ҝери ҝәтирәҹәјәм,+ онлара рәһм едәҹәјәм”».+

Һашијәләр

Һәрфән: тохумуну.