Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әрәмја 14:1—22

МҮНДӘРИҸАТ

  • Гураглыг, аҹлыг, гылынҹ (1—12)

  • Сахта пејғәмбәрләрә иттиһам (13—18)

  • Халг ҝүнаһыны етираф едир (19—22)

14  Гураглыг барәдә+ Әрәмјаја назил олан Јеһованын сөзү будур:   Јәһуда јас тутур,+ дарвазалары чүрүјүб, Гәмҝин-гәмҝин јерә чөкүб.Јерусәлимин фәрјады әршә галхыр.   Ағалар нөкәрләри су далынҹа ҝөндәрир. Онлар гују башына ҝедир, амма су тапмырлар. Бош күпләрлә гајыдырлар, Утанырлар, пәришандырлар,Башларыны өртүрләр.   Торпаг ҹадар-ҹадардыр,Чүнки өлкәдә јағыш кәсилиб,+Әкинчиләр чашгынлыг ичиндәдир, башларыны өртүбләр.   Чөлдәки марал да баласыны доғуб атыр,Чүнки от јохдур.   Чөл ешшәји чылпаг тәпәләрдә дуруб. Чаггал кими төвшүјүр,Ҝөзләри тутгунлашыб, чүнки от јохдур.+   Һәрчәнд өз тәгсирләримиз әлејһимизә шәһадәт едир,Еј Јеһова, адын наминә һәрәкәтә кеч.+ Дәфәләрлә хәјанәт етмишик,+Сәнә гаршы ҝүнаһ еләмишик.   Еј Исраилин үмидҝаһы, дар ҝүнүндә ниҹаты!+Нијә бу өлкәдә јад кимисән?Нијә анҹаг ҝеҹәләмәк үчүн ајаг сахлајан јолчу кимисән?   Нә үчүн карыхмыш адам кимисән?Санки, халгыны гуртара билмәјән иҝидсән. Сән, еј Јеһова, бизим арамыздасан,+Адыны дашыјырыг.+ Тәрк етмә бизи. 10  Јеһова бу халг барәдә белә дејир: «Онлар дәрбәдәр ҝәзмәји севирләр,+ ајаглары бир јерә јығылмыр.+ Јеһова онлардан наразыдыр.+ Инди тәгсирләрини јада салыб, ҝүнаһларына ҝөрә онлардан һагг-һесаб истәјәҹәк».+ 11  Јеһова мәнә деди: «Бу халгын рифаһы үчүн дуа етмә.+ 12  Онлар оруҹ тутсалар да, јалварышларыны ешитмирәм,+ ҝәтирдикләри јандырма гурбанларыны, тахыл тәгдимәләрини гәбул етмирәм.+ Мән онлары гылынҹла, аҹлыгла, азарла гыраҹағам».+ 13  Онда мән дедим: «Аһ, Күлли-Ихтијар Јеһова! Ҝөр пејғәмбәрләр халга нә дејир: “Гылынҹ ҝөрмәјәҹәксиниз, аҹлыг олмајаҹаг. Мән, Аллаһ сизә бу јердә әмин-аманлыг верәҹәјәм”».+ 14  Јеһова мәнә деди: «Пејғәмбәрләр Мәним адымла јаландан пејғәмбәрлик едир.+ Онлары Мән ҝөндәрмәмишәм, онлара һеч нә бујурмамышам, онларла данышмамышам.+ Сизә сөјләдикләри шејләр јалан вәһјләрдир, фалчылыгдыр, ҹәфәнҝијатдыр, өз ујдурмаларыдыр.+ 15  Она ҝөрә дә Јеһова дејир: “Ҝөндәрмәдијим һалда, Мәним адымдан данышан, өлкәдә гылынҹ, аҹлыг олмајаҹаг дејән пејғәмбәрләр гылынҹ вә аҹлыгдан мәһв олаҹаглар.+ 16  Онларын пејғәмбәрлик етдији инсанларын да ҹәсәди аҹлыг вә гылынҹ үзүндән Јерусәлим күчәләринә атылаҹаг, нә онларын өзләрини, нә арвадларыны, нә оғулларыны, нә дә гызларыны басдыран олмајаҹаг.+ Лајиг олдуглары бәланы башларына ҝәтирәҹәјәм”.+ 17  Онлара белә де:“Ҝеҹә-ҝүндүз ҝөз јашым сел олуб ахсын, дајанмасын,+Халгым, о бакирә гыз ағыр зәрбә алды,+Јараланды, дармадағын олду. 18  Чөлә ҝедирәм,Гылынҹ гурбанларыны ҝөрүрәм!+ Шәһәрә ҝирирәм,Аҹлыгдан үзүләнләри ҝөрүрәм!+ Пејғәмбәр дә, каһин дә јад өлкәдә долашыр”».+ 19  Сән Јәһуданы бирдәфәлик рәдд етмисән? Сиона нифрәт едирсән?+ Нијә бизи ҹәзаландырдын? Дәрдимизә чарә јохдур.+ Сүлһ ҝөзләјирдик, габағымыза хејир чыхмады,Шәфа ҝөзләјирдик, дәһшәт ҝөрдүк.+ 20  Еј Јеһова, шәр әмәлләримизи,Ата-бабаларымызын тәгсирләрини етираф едирик,Сәнә гаршы ҝүнаһ етмишик.+ 21  Өз адын наминә бизи рәдд етмә,+Әзәмәтли тахтындан үз чевирмә. Бизимлә кәсдијин әһди јада сал, ону позма.+ 22  Халгларын пуч бүтләриндән һансы бири јағыш јағдыра биләр?Ҝөјләр өзбашына лејсан төкә биләрми? Буна тәкҹә Сән гадирсән, еј Аллаһымыз Јеһова!+ Үмидимиз Сәнәдир,Чүнки бунлары едән Сәнсән.

Һашијәләр