Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Һушә 13:1—16

МҮНДӘРИҸАТ

  • Бүтпәрәст Әфраим Јеһованы унутду (1—16)

    • «Еј өлүм, һаны нештәрин?» (14)

13  «Әфраим данышанда халг әсирди.Исраилдә онун нүфузу вар иди,+ Лакин Баала сәҹдә едиб+ ҝүнаһа батды вә өлдү.   Инди ҝүнаһы ҝүнаһа ҹалајыр,Өзүнә ҝүмүшдән төкмә бүтләр дүзәлдир,+Бүтләри мәһарәтлә дүзәлдир; бүтүн бунлар сәнәткар әлинин ишидир. Онлара дејир: “Гој гурбан ҝәтирәнләр даналары өпсүнләр”.+   Буна ҝөрә о, сәһәр думаны кими олаҹаг,Тез јох олан шеһ кими,Туфанда хырмандан соврулан саман кими,Баҹадан чыхан түстү кими олаҹаг.   Лакин Мән Јеһова һәлә Мисир дијарындан сәнин Аллаһынам.+Мәндән башга Аллаһ танымырдын.Мәндән башга хиласкар јохдур.+   Сәһрада, гураг дијарда сәнин гејдинә галырдым.+   Онлар өрүшләриндә бәсләниб дојдулар.+Дојдулар вә гудурдулар. Мәни унутдулар.+   Мән онлар үчүн ҝәнҹ аслана дөнәҹәјәм,+Бәбиртәк јолларынын үстүндә дуруб ҝөзләјәҹәјәм.   Балаларыны итирмиш ајы кими гаршыларына чыхаҹағам,Онларын бағрыны јараҹағам. Орадаҹа онлары аслан кими ашыраҹағам.Онлары вәһши һејван парчалајаҹаг.   Еј Исраил, Сәни мәһв едәҹәјәм,Чүнки Мәнә, өз јардымчына гаршы чыхдын. 10  Һаны сәнин падшаһын? Ҝәлсин сәни бүтүн шәһәрләриндә гуртарсын.+Һаны барәләриндә:“Мәнә падшаһ вә башчылар вер”, — дедијин һакимләр?+ 11  Падшаһы сәнә һирслә вердим,+Гәзәблә ҝөтүрәҹәјәм.+ 12  Әфраимин тәгсири боғчаја бүкүлүб,Ҝүнаһы горунур. 13  О, доғуш санҹысы чәкәҹәк. О, ағылсыз оғулдур,Доғулмаг вахты чатанда чыхмаг истәмәјәҹәк. 14  Онлары Мәзарын* чәнҝиндән гуртараҹағам,Өлүмдән ҝери алаҹағам.+ Еј өлүм, һаны нештәрин?+ Еј Мәзар, һаны мәһв едән ҝүҹүн?+ Јенә дә мәрһәмәт ҝөстәрмәјәҹәјәм. 15  Гамышлар арасында чохалса да,Үзәринә сәһрадан галхан шәрг күләји, Јеһованын күләји ҝәләҹәк,Онун гујусуну гурудаҹаг, булағынын сујуну кәсәҹәк. Онун ҹаваһират долу хәзинәсини талан едәҹәк.+ 16  Сәмәријјә тәгсиркар чыхаҹаг,+ чүнки өз Аллаһына гаршы гијам етди.+ О, гылынҹдан өләҹәк.+Балалары гана гәлтан олаҹаг,Һамилә гадынларынын гарны јыртылаҹаг».

Һашијәләр

Ибр. шеол. Лүғәтә бах.