Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Һушә 10:1—15

МҮНДӘРИҸАТ

  • Ҹырлашмыш мејнә, Исраил мәһв едиләҹәк (1—15)

    • Әкиб бичмәк (12, 13)

10  «Исраил ҹырлашмыш* мејнәдир, бар ҝәтирир.+ Бары чохалдыгҹа гурбанҝаһларынын сајы да чохалыр.+Торпағы бәһәрли олдугҹа дик дашлары* да тәмтәраглы олур.+   Онларын үрәји ријакардыр,Онлар тәгсиркар чыхаҹаг. Гурбанҝаһларыны дағыдаҹаг, дик дашларыны јыхаҹаг бири вар.   Онлар дејәҹәкләр: “Падшаһымыз јохдур,+ чүнки биз Јеһовадан горхмадыг. Лап падшаһымыз олса да, бизим үчүн нә едә биләрди?”   Онлар бош сөзләр данышыр, јаландан анд ичир+ вә әһдләр бағлајырлар.Һагсызлыг шумланмыш саһәдә битән зәһәрли битки кими бој атыр.+   Сәмәријјә әһли Бејт-Авенин дана бүтүндән өтрү горхуја дүшәҹәк,+ Халгы онун үчүн јас тутаҹаг,Онун шаһ-шөһрәтинә севинән каһинләри дә ағлајаҹаг,Чүнки о, сүрҝүнә ҝөндәриләҹәк.   Ону Ашшура, бөјүк падшаһа һәдијјә апараҹаглар.+ Әфраим рәзил олаҹаг,Исраил төкдүјү тәдбирләрә ҝөрә рүсвај олаҹаг.+   Сәмәријјә вә онун падшаһыСу үзәриндә үзән сынмыш будаг кими јох олаҹаг.+   Исраилин ҝүнаһы+ — Бејт-Авен+ сәҹдәҝаһлары* мәһв едиләҹәк.+ Гурбанҝаһларыны тикан-гангал басаҹаг.+ О заман халг дағлара: “Бизи өртүн!”, Тәпәләрә: “Үстүмүзә ашын!” — дејәҹәк.+   Еј Исраил, Ҝибаһын вахтындан бәри ҝүнаһ едирсән.+ Онлар һеч дәјишмәјибләр. Ҝибаһдакы дава бу шәр оғулларынын көкүнү кәсмәди. 10  Истәдијим вахт онлары ҹәзаландыраҹағам. Өзләринин ики ҝүнаһынын бојундуруғу алтына дүшәндәХалглар онларын үстүнә галхаҹаг. 11  Әфраим хырман дөјмәји севән өјрәдилмиш дүјә иди,Лакин Мән онун зәриф бојнуна гыјмадым. Инди исә Әфраимин белинә адам миндирәҹәјәм.+ Јәһуда јер шумлајаҹаг, Јагуб хыша гошулаҹаг. 12  Өзүнүз үчүн салеһлик тохумлары әкин, лүтф бичин. Јеһоваја сары гајытмаг үчүн һәлә вахт вар икән,+О ҝәлиб сизә салеһлији өјрәдәнә гәдәр+Әкин саһәсини шумлајын.+ 13  Сиз исә пислик шумладыныз,Шәр бичдиниз.+Һијлә бәһрәси јединиз.Чүнки тутдуғунуз јола,Иҝидләринизин чохлуғуна архаландыныз. 14  Халгыныза гаршы һај-күј галхаҹаг,Истеһкамлы шәһәрләринизин һамысы дармадағын олаҹаг,+Неҹә ки Сәлман Әрбил евини талан етди,Дөјүш ҝүнү аналар ушаглары илә бирҝә гана гәлтан едилди. 15  Еј Бејтел әһли, олмазын пислијиниз уҹбатындан бу сизин дә башыныза ҝәләҹәк,+ Дан ағаранда Исраилин падшаһы мәһв едиләҹәк».+

Һашијәләр

Диҝәр вариант: шахәләнән.
Бу дашлар бүтпәрәстликдә ситајиш мәгсәдилә истифадә олунурду.
Һәрфән: јүксәкликләри.