Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Һизгијал 9:1—11

МҮНДӘРИҸАТ

  • Алты ҹәллад вә гәләм-даватлы адам (1—11)

    • Һөкм мүгәддәс мәкандан башлајаҹаг (6)

9  Сонра Онун уҹа сәслә: «Шәһәрин ҹәзасыны верәҹәк кәсләри чағырын, силаһларыны әлләринә алыб ҝәлсинләр!» — дедијини ешитдим.  Ҝөрдүм ки, шимала бахан јухары дарваза+ тәрәфдән әлиндә топпуз алты нәфәр ҝәлир. Онларла бир јердә кәтан палтарлы, белиндә гәләм-дават* бир нәфәр дә ҝәлирди. Ҝәлиб мис гурбанҝаһын+ јанында дајандылар.  Исраилин Аллаһынын ҹалалы+ дајандығы јердән, кәррубларын үстүндән галхыб мәбәдин кандарында дајанды.+ Аллаһ кәтан палтарлы, белиндә гәләм-дават олан адамы чағырды.  Јеһова она деди: «Шәһәри, Јерусәлими долаш, шәһәрдә төрәдилән бүтүн ијрәнҹ әмәлләрә+ ҝөрә аһ-налә едәнләрин+ алнына ишарә гој».  О бириләринә исә бу ҝөстәриши вердијини ешитдим: «Онун архасынҹа шәһәри долашыб адамлары гырын. Һеч кимә јазығыныз ҝәлмәсин, онлара рәһм етмәјин.+  Бахмајын гоҹадыр, ҹавандыр, гыздыр, гадындыр, ушагдыр, һамысыны бир нәфәр кими өлдүрүн.+ Амма алнында ишарә оланлара дәјмәјин.+ Мүгәддәс мәканымдан башлајын».+ Беләликлә, онлар мәбәдин гаршысындакы ағсаггаллардан башладылар.+  Сонра Аллаһ онлара деди: «Мәбәди мурдарлајын, һәјәтләри мејитләрлә долдурун.+ Һајды, ҝедин!» Онлар да ҝедиб шәһәрдәки ҹамааты гырмаға башладылар.  Онлар ҹамааты гыранда (мәнә исә дәјмәмишдиләр) үзүстә јерә дөшәниб фәрјад етдим: «Ја Күлли-Ихтијар Јеһова! Јерусәлимә гејз-гәзәбини төкәркән Исраилин јердә галанынын һамысыны мәһв едәҹәксән?»+  О, мәнә ҹаваб верди: «Исраил вә Јәһуда евинин ҝүнаһы ағырдыр, чох ағырдыр.+ Өлкәдә ган су јеринә ахыр,+ шәһәр фитнә-фәсад јувасыдыр.+ Дејирләр: “Јеһова өлкәни башлы-башына бурахыб, Јеһова һеч нәји ҝөрмүр”.+ 10  Буна ҝөрә Мәним онлара јазығым ҝәлмәјәҹәк, онлара рәһм етмәјәҹәјәм.+ Әмәлләринин бәһрәсини габагларына чыхараҹағам». 11  Сонра ҝөрдүм ки, әјниндә кәтан палтар, белиндә гәләм-дават олан адам гајыдыб хәбәр верди: «Әмрини јеринә јетирдим. Бујурдуғун кими етдим».

Һашијәләр

Мирзәнин мүрәккәбгабысы.