Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Һизгијал 35:1—15

МҮНДӘРИҸАТ

  • Саир дағларына гаршы пејғәмбәрлик (1—15)

35  Јенә дә мәнә Јеһованын сөзү назил олду:  «Еј бәни-адәм, үзүнү Саир+ дағлыг бөлҝәсинә тутуб она гаршы пејғәмбәрлик ет.+  Она сөјлә ки, Күлли-Ихтијар Јеһова белә дејир: “Еј Саир дағлары, Мән сизә гаршыјам, әлими галдырыб сизи виранәлијә чевирәҹәјәм.+  Шәһәрләринизи хараба гојаҹағам, өзүнүзсә виранәлијә чевриләҹәксиниз,+ онда биләҹәксиниз ки, Мән Јеһовајам.  Чүнки әдавәтиниз сәнҝимәди,+ сиз исраиллиләри дар ҝүндә, сон ҹәзаларыны аланда гылынҹа вердиниз”.+  “Буна ҝөрә дә варлығыма анд олсун, — Күлли-Ихтијар Јеһова бәјан едир, — сизи гырғына һазырлајаҹағам, гырғын сизи гарабагара изләјәҹәк.+ Мадам ки гана нифрәт етдиниз, өлүм сизи ҝирләјәҹәк.+  Еј Саир, сәни чөл-бијабана дөндәрәҹәјәм,+ сәнин торпағындан ҝедиб-ҝәләнин ајағыны кәсәҹәјәм.  Сәнин дағларыны ҹәсәдләр өртәҹәк, гылынҹа туш ҝәләнләрин мејити дәрәләрә, тәпәләрә сәрилиб галаҹаг, чајлары долдураҹаг.  Сәни әбәдилик харабазара дөндәрәҹәјәм. Шәһәрләриндә бир дә мәскән салан олмајаҹаг.+ Онда биләҹәксиниз ки, Мән Јеһовајам”. 10  Јеһова орада ола-ола сән дедин: “Бу ики халг, бу ики мәмләкәт мәним олаҹаг, икисинә дә саһиб олаҹағам”.+ 11  Она ҝөрә Күлли-Ихтијар Јеһова белә дејир: “Варлығыма анд олсун, сәнә онлара бәсләдијин кин-күдурәтин, гәзәб вә пахыллығын әвәзини верәҹәјәм.+ Сәнә һөкм чыхаранда Өзүмү онлара таныдаҹағам. 12  Онда биләҹәксән ки, Мән Јеһова сәнин Исраил дағларыны тәһгир етдијини, “онлар виранә галыб, шикарымдыр” дедијини ешитмишәм. 13  Сиз әлејһимә данышырдыныз, ловғаланыб бош-бош сөзләр дејирдиниз.+ Мән исә бунларын һамысыны ешидирдим”. 14  Күлли-Ихтијар Јеһова белә дејир: “Сизи харабалыға чевирәндә бүтүн дүнја севинәҹәк. 15  Сиз ки, еј Саир дағлары, Исраил евинин ирси хараба галанда севиндиниз, Мән дә сизин башыныза ејни шеји ҝәтирәҹәјәм:+ харабалыға чевриләҹәксиниз. Бәли, бүтүн Әдумун+ агибәти белә олаҹаг. Онда биләҹәкләр ки, Мән Јеһовајам”».

Һашијәләр