Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Һизгијал 26:1—21

МҮНДӘРИҸАТ

  • Сура гаршы пејғәмбәрлик (1—21)

    • Торлар сәрилән јер (5, 14)

    • Дашлар, торпаг суја атылаҹаг (12)

26  Он биринҹи илдә, ајын биринҹи ҝүнү мәнә Јеһованын сөзү назил олду:  «Бәни адәм, Сур ки Јерусәлим барәсиндә:+ “Нә јахшы, халгларын дарвазасы сынды,+ инди һәр шеј мәним јолумдан ҝәлиб кечәҹәк. Онун тифағы дағылыб, ахыр ки мән дә варланаҹағам!” — дејир,  Күлли-Ихтијар Јеһованын она сөзү будур: “Еј Сур, Мән сәнә гаршы галхмышам. Дәниз чалхаланыб далғаларыны шаһә галдырдығы кими, Мән дә халглары сәнин үстүнә галдыраҹағам.  Онлар Сурун диварларыны учураҹаг, бүрҹләрини јерлә јексан едәҹәкләр.+ Мән дә ону чылпаг гајаја дөндәрәнәҹән торпағыны гашыјыб атаҹағам.  О, дәнизин ортасында торларын сәрилдији јерә чевриләҹәк”.+ Күлли-Ихтијар Јеһова белә бәјан едир: “Сур халгларын гәнимәти олаҹаг, буну Мән дејирәм.  Кәндләринин әһалиси гылынҹдан кечириләҹәк, онда һамы биләҹәк ки, Мән Јеһовајам”.  Күлли-Ихтијар Јеһова белә дејир: “Шималдан Бабил падшаһы Навуходоносору Сура гаршы ҝәтирәҹәјәм.+ Бу шаһәншаһ+ атлары+, ҹәнҝ арабалары+, сүвариләри, чохсајлы гошунлары илә ҝәлиб  кәндләрини гылынҹдан кечирәҹәк. Сәнә гаршы мүһасирә дивары тикәҹәк, мүһасирә бәнди дүзәлдәҹәк, бөјүк галхан галдыраҹаг.  Дивардәләнләри диварларына зәрбәләр ендирәҹәк. Бүрҹләрини балта илә дағыдаҹаг. 10  Атлары о гәдәр чох олаҹаг ки, дырнагларындан галхан тоз-думан сәни бүрүјәҹәк. О, диварлары учурдулмуш шәһәрә һәмлә едилән кими сәнин дарвазандан дахил оланда сүвариләринин, чархларынын, арабаларынын сәсиндән диварларын титрәјәҹәк. 11  Күчәләрин онун атларынын тапдағы алтында галаҹаг.+ Сакинләрин гылынҹдан кечириләҹәк, әзәмәтли сүтунларын учуб јерлә јексан олаҹаг. 12  Онлар сәрвәтини талајаҹаг, малларыны гарәт едәҹәк,+ диварларыны дағыдаҹаг, имарәтләрини учураҹаглар. Сонра дашларыны, тахталарыны, торпағыны јығыб суја атаҹаглар”. 13  “Сәндә уҹалан маһны сәдаларыны сусдураҹағам, чәнҝ сәсләри бир даһа ешидилмәјәҹәк.+ 14  Сәни чылпаг гајаја чевирәҹәјәм, торлар сәрилән јерә дөнәҹәксән.+ Даһа һеч вахт бәрпа олунмајаҹагсан. Буну Мән дејирәм, Јеһова”, — Күлли-Ихтијар Јеһова бәјан едир. 15  Күлли-Ихтијар Јеһованын Сура сөзү будур: “Сән сүгута уғрајанда гопан сәс-күјдән, өлүм ајағында оланларын инилтисиндән, күчәләриндә ҝедән гырғындан адалар титрәјәҹәк.+ 16  Бүтүн дәниз һакимләри тахтларындан дүшүб либасларыны, нахышлы гијафәләрини чыхараҹаг. Онлары әсмәҹә тутаҹаг. Јерә чөкүб әсим-әсим әсәҹәк, ҝөзләрини бәрәлдиб сәнә бахаҹаглар.+ 17  Сәнин үстүндә ағы сөјләјиб+ дејәҹәкләр: “Еј ады дилләр әзбәри, дәниз сакинләринин мәскәни шәһәр, неҹә олду ки, сән мәһв олдун?+Өзүн дә, сакинләрин дә дәниздә ағалыг едирдиниз,+Јер үзүнүн бүтүн адамларыны вәһминиз басмышды. 18  Сүгута уғрадығын ҝүн адалар титрәјәҹәк,Сән јохлуға гәрг оланда дәниздәки адалар јериндән ојнајаҹаг”.+ 19  Күлли-Ихтијар Јеһова белә дејир: “Сәни виран едиб кимсәсиз, бош шәһәрләрин ҝүнүнә саланда, әнҝин сулара гәрг едәндә, үмман сәни уданда+ 20  сәни дә, сәнинлә бирликдә чухура* енәнләри дә чохдан өлүб ҝетмиш адамларын јанына апараҹағам. Сәни гәдим харабалыглар кими, чухура енәнләр кими, ән дәрин јерә көчүрәҹәјәм ки,+ бир дә сәндә мәскән салан олмасын. Онда Мән бу ишыглы дүнјаны* ҝөзәлләшдирәҹәјәм. 21  Мән гәфилдән үстүнә дәһшәт ҝөндәрәҹәјәм, сәни јох едәҹәјәм.+ Сәни ахтараҹаглар, амма тапмајаҹаглар”, — дејир Күлли-Ихтијар Јеһова».

Һашијәләр

Јахуд гәбрә.
Һәрфән: дириләр өлкәсини.