Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Һизгијал 2:1—10

МҮНДӘРИҸАТ

  • Һизгијал пејғәмбәр сечилир (1—10)

    • Гулаг ассалар да, асмасалар да (5)

    • Мәрсијәләр јазылмыш тумар (9, 10)

2  О, мәнә деди: «Еј бәни-адәм, галх ајаға, сәнинлә данышаҹағам».+  О, бу сөзү дејәндә руһ дахилимә ҝирди вә мәни ајаға галдырды ки,+ мәнимлә данышана гулаг асым.  О, сөзүнә давам едиб деди: «Еј бәни-адәм, Мән сәни Исраил халгынын, Мәнә аси чыхан үсјанкар халгларын+ јанына ҝөндәрирәм.+ Онлар бу ҝүнә кими Мәнә гаршы чыхырлар. Ата-бабалары да белә олуб, өзләри дә беләдирләр.+  Сәни өткәм, инадкар оғулларын јанына ҝөндәрирәм.+ Онлара дејәҹәксән: “Күлли-Ихтијар Јеһова белә-белә дејир”.  Онлар исә, истәјирләр гулаг ассынлар, истәјирләр асмасынлар (чүнки үсјанкар гөвмдүрләр),+ амма бир шеји дәгиг биләҹәкләр — араларында пејғәмбәр олуб.+  Сән исә, еј бәни-адәм, һәрчәнд тиканлар, гангаллар+ арасында*, әгрәбләр ичиндә јашајырсан, онлардан горхма,+ гој сөзләри сәни үркүтмәсин.+ Онларын сөзләриндән чәкинмә, сифәтләри сәни ваһимәјә салмасын,+ ахы онлар үсјанкар гөвмдүрләр.  Гулаг ассалар да, асмасалар да, сөзүмү онлара сөјләмәлисән, чүнки онлар үсјанкар халгдырлар.+  Ешит нә дејирәм, еј бәни-адәм. Бу үсјанкар гөвм кими, сән дә үсјан ејләмә. Ағзыны ач, сәнә верәҹәјим шеји је».+  Бу дәм бахыб ҝөрдүм ки, мәнә сары бир әл узаныр,+ ичиндә дә јазылы тумар.+ 10  О, тумары гаршымда ачанда ҝөрдүм ки, һәр ики тәрәфи јазылыдыр.+ Орада мәрсијәләр, фәрјад вә ағы јазылмышды.+

Һашијәләр

Диҝәр вариант: һәрчәнд ҹамаат дикбашдыр вә сәни санҹыр.